Mazmuny

Ishek ınfektsııalary qalaı emdeledi?

Jaǵdaıdy jaqsartý úshin ne isteýge bolady?


Ishek ınfektsııalary qalaı emdeledi?

Ishtiń ótýin týyndatatyn vırýstyq juqpalardyń kópshiligi ádette, emdeýsiz de joıylady. Úıde bolyp, sýsyzdanýdy boldyrmas úshin suıyqtyqty kóbirek ishý qajet. Balada organızmniń sýsyzdanýy damysa, aýrýhanaǵa jatqyzyp,ish ótýinen, qusý men qyzbada joǵaltqan suıyqtyqty tolyqtyrý úshin ony tamyr arqyly engizý qajet bolýy múmkin.

Dárigerge kóringende, balanyń nájisine taldaý jasaý qajet, bul ınfektsııanyń túrin anyqtaý úshin qajet. Dárilik preparattardy qabyldaý qajettiligi aýrýdyń sebebine baılanysty. Eger balada parazıttik ınfektsııa bolsa, dáriger parazıtterge qarsy preparattardy taǵaıyndaıdy. Vırýstardan jáne bakterııalardyń kóptegen túrlerinen bolǵan ishek ınfektsııalary emdeýge muqtaj emes. Biraq, ımmýndyq júıesi álsiz adamdarǵa ınfektsııany organızmge taratpas úshin antıbıotık taǵaıyndalýy múmkin.


Ne isteýge bolady?

Bala sýdy mol ishse, ózin jaqsy sezinedi. Dıareıa kezinde suıyqtyqty joǵaltýmen qatar elektrolıtter (natrıı jáne kalıı) de joǵaltylady. Organızm olarsyz qalypty qyzmet ete almaıdy, sondyqtan, olardyń ornyn tolyqtyrý qajet. Quramynda natrıı bar sorpa nemese kóje, kalıı bar 100% jemis shyrynyn (qantsyz) daıyndańyz.

Bala tamaq ishýge daıyn bolǵanda, quramynda kalıı bar jumsaq jemis nemese kókónisti tutynýyna bolady. Maıly taǵamdy, sút ónimderin, talshyǵy mol ónimdi nemese tátti taǵamdy dıareıa basylǵanǵa deıin qabyldaýdan alshaq bolýy qajet. Sporttyq nemese alkogolsiz sýsyndardy ishpegeni jón, olarda elektrolıtter bolǵanymen, qanty kóp bolǵandyqtan, dıareıany ýshyqtyrady.

Dıareıa, ádette, tez basylady. Suıyqtyqty jetkilikti iship, jáne dárigerdiń usynystaryn oryndaǵanda, osylaısha, qysqa merzimde bala ózin jaqsy sezine alady.