Mazmuny
Ózine kútim jasaý jáne sımptomdardy jeńildetý boıynsha keńester
Bakterıaldyq vagınozdyń aldyn alý
Bakterıaldyq vagınoz (BV) - qynaptyq ınfektsııalardyń biri. Qalypty jaǵdaıda qynapta densaýlyq úshin paıdaly bakterııalarmen qatar zııandylary da mekendeıdi. Bakterıaldyq vagınoz t osy qatynastyń buzylýynda jáne zııandy bakterııalardyń mólsheriniń ulǵaıýynda paıda bolady.
Mundaı úılesimsizdiktiń sebepteri anyq bola bermeıdi. Bakterıaldyq vagınoz barlyq jastaǵy áıelder men qyzdarda paıda bolatyn, keń taralǵan aýrý.
Bakterıaldyq vagınozdyń sımptomdary:
- Qynaptan bólinetin aq nemese sur tústi, jaǵymsyz ıisti bólindiler
- Neseptiń shyǵý kezindegi ashytý, kúıdirý sezimi
- Qynaptyń ishindegi jáne syrtyndaǵy qyshý
Keıde aýrýdyń sımptomdary bolmaıdy.
Bakterıaldyq vagınozdy anyqtaý úshin dáriger gınekologııalyq tekserý júrgizýi qajet. Sondyqtan, dárigerge kórinýge deıin 24 saǵat buryn tampondar qoldanbańyz jáne jynystyq qatynasqa túspeńiz.
Arqańyzǵa jatyp, aıaǵyńyzdy arnaıy salǵyshqa ornalastyrý usynylady.
Dáriger qynapqa aına atalatyn aspapty engizedi. Aınalar azdap ashylyp, qynapqa kiretin joldy ashady, osylaısha dárigerge qynaptyń qabyrǵasyn qaraýdy jeńildetýge jáne zararsyz maqta tamponnyń kómegimen bólindiniń (juǵyndy) úlgisin alýǵa jaǵdaı jasalady.
Bólindilerdiń úlgisi mıkroskoptyń astynda ınfektsııa belgisi bolýyna tekseriledi.
Sizde bakterıaldyq vagınoz anyqtalsa, dáriger taǵaıyndaıdy:
- Ishýge arnalǵan tabletkalardaǵy antıbıotıkter
- Quramynda antıbıotık bar qynaptyq jaqpa maılar
Dárini dárigerdiń taǵaıyndaýyna sáıkes, dál qabyldaıtyndyǵyńyzǵa kóz jetkizińiz jáne japsyrmasyndaǵy nusqaýlyqty qadaǵalańyz. Keıbir dárilermen qatar alkogoldi tutyný asqazannyń buzylysyn, asqazannyń qatty túıilýin týyndatýy nemese jaǵdaıyńyzdy nasharlatýy múmkin. Dárilik preparattardy qabyldaýdy ótkizip almańyz jáne úzbeńiz, sebebi, ınfektsııa qaıtalanýy múmkin.
Bakterıaldyq vagınoz jynystyq qatynastaǵy seriktesterge – erlerge berilmeıdi. Biraq, eger seriktesińiz áıel bolsa, ol juqtyrýy múmkin. Oǵan da bakterıaldyq vagınozdy emdeý kýrsyn ótkizý qajet bolýy múmkin.
Ózine kútim jasaý jáne sımptomdardy jeńildetý boıynsha keńester
Qynaptyń titirkenýin jeńildetý úshin:
- Ystyq nemese gıdromassajdyq vannalardy qabyldamańyz.
- Qynapty jáne aınalshyqty jumsaq, ıissiz sabynmen jýyńyz.
- Muqııat shaıynǵannan keıin jynystyq múshelerdiń aýmaǵyn qurǵatyp súrtińiz.
- Iissiz tampondar men tósemshelerdi qoldanyńyz.
- Keńdeý kıim jáne maqta matadan jasalǵan ishkıim kıińiz. Kolgotkı kımeýge tyrysyńyz.
- Týaletten keıin aldynan artyna qaraı súrtinińiz.
Bakterıaldyq vagınozdyń aldyn alý
Kelesi keńesterdi qadaǵalaý arqyly bakterıaldyq vagınozdyń taralýynyń aldyn alýǵa kómektese alasyz:
- Jynystyq qatynasqa túspeńiz
- Jynystyq qatynastaǵy seriktesterińizdiń sanyn shekteńiz.
- Jynystyq qatynas kezinde árdaıym prezervatıv qoldanyńyz.
- Búrkip shaıynbańyz. Búrký arqyly shaıynǵan kezde qynaptan ınfektsııadan qorǵaıtyn paıdaly bakterııalar joıylyp ketedi.
Kelesi jaǵdaılarda dárigerge kórinińiz:
- Sımptomdardyń jaqsarýy baıqalmaıdy
- Jambas qýysynda aýyrsyný nemese qyzba paıda bolsa
Telimdi emes vagınıt.