Васкулит – бұл қан тамырлары қабырғасының қабынуы. Аталмыш қабыну қан тамырлары қабырғасын тарылтып, оларды зақымдауы мүмкін. Өз кезегінде ол бөртпе, әлсіздік, түйсік өзгерістерін және де өзге симптомдарды туындатады.
Васкулит көптеген себептерден, соның ішінде аллергиялық реакциялар мен тері туберкулезі сияқты аурулардың әсерінен болады.
Қан тамырларынан қан кету әсерінен тері үстінде көгерулер мен қанды дақтар қалыптасады. Васкулит тіндер мен мүшелердің қанмен қамтамасыз етілуін төмендетіп, тромб түзілуін тудырады, сондай-ақ тіндердің зақымдануы мен мүшелердің қызметтерінің нашарлауына әкеледі.
Васкулиттің емі пайда болған себептеріне байланысты, кей жағдайда өз бетінен жазылып кетеді. Емдеу барысында кортикоидтар секілді қабынуға қарсы препараттар қолданылады.
Тегтер:
Васкулит
Тамыр қабырғаларының қабынуы