Көптеген жарақаттар нәтижесінде тістің түсуі өз кезегінде басқа тістер немесе ауыз қуысының басқа құрылымдарының (мысалы, таңдай, иек немесе беттің) жарақаттануы мүмкін. Түскен тістің орнына жаңа тұрақты тіс қоюға болады (реимплантант). Егер отыз минут ішінде тісті реимплантацияласа, жақсы нәтижеге қол жеткізуге болады. Ал екі сағат өткеннен кейін сәтті имплантациялау мүмкіндігі азады.
1. Тісті тауып алыңыз.
• Сүт тістерге: қансырауды тоқтату үшін таза дәкені қызыл иекке және тіс ойысына қойып, 15 минут аралығы ұстап тұрыңыз. Сүт тістер қайта имплантацияланбайды, өйткені имплантациялау өсіп келе дамитын тұрақты тістердің дамуына кедергі келтіруі мүмкін. Егер баланың тісі түсуге дайын тұрса да, оны міндетті түрде стоматологқа көрсету керек.
• Тұрақты тістерге: Таза дәкені қойып, төмендегі сипатталған қадамдарды орындаңыз.
2. Тісіңізді абайлап тістің жоғарғы жағынан ұстап (тіссауыттан) ағынды сумен шайыңыз. Тісті ысқыламаңыз және тіс түбірінен ұстамаңыз.
3. Стоматологқа тасымалдау үшін тісіңізді қажетті түрде дайындаңыз.
• Ең жақсы тасымалдау әдісі – бұл тісті өз ойысына қою. Абайлап тісіңізді өзінің қалыпты орнына қойыңыз. Сәл шығып тұрса да, оған алаңдамаңыз.Тісті ұстап тұру үшін таза дәкені немесе ылғалданған шәй қалташасын тісіңізбен тістеңіз. Тасымалдау кезінде тісіңізді ойысында саусағыңызбен ұстап тұрыңыз. Ересек адам немесе жасөспірімдер тісін қызыл иек пен ұрт арасында немесе тіл астында жұтып қоймауға тырысып ұстауына болады (кішкентай жастағы балаларға мұны жасауға болмайды).
• Егер ересек адам немесе бала тісін ойысында ұстап тұруға өте мазасыз болса, онда сүтке салыңыз. Сүт болмаған жағдайда суға немесе Ханка немесе Save-A-Tooth секілді дәрігердің рецептінсіз жіберілетін ерітінділерге салыңыз.
• Тісті тұзды суға, алкоголь немесе ауыз шайқауға арналған сұйықтықтарға салуға болмайды.
4. Емдеуді ұйымдастыру үшін тез арада стоматологқа хабарласыңыз. Егер хабарласуға мүмкіндік болмаса, тез арада жедел жәрдем көмегімен бару керек. Тісті ұмытып кетпегеніңізге көз жеткізіңіз.
Тегтер:
жарақат
тістің түсуі
сүт тістер