Bul qandaı aýrý? Vırýsty gastroenterıt – bul asqazan men ishektiń shyryshty qabyǵynyń qabynýy. Onyń saldarynan nájistiń buzylýy men qusý paıda bolady. Vırýsty gastroenterıtti asqazan tumaýy dep te atalady.
Ol neden týyndaıdy? Gastroenterıt vırýsy - vırýsty nemese bakterııany juqtyrýdan paıda bolady. Kóbinese aýrýdy rotavırýs dep atalatyn qozdyrǵysh týdyrady. Epıdemııalyq órshýler mekteptermen qarttar úıinde baıqalady. Rotavırýspen zaqymdanǵan taǵamdarda jáne sýdyń quramynda tabylyp jatady. Gastroentrıtti juqtyrǵan adamda belgileri 4-48 saǵat ishinde bilinedi.
Gastroentrıt belgilerine júrek aıný, qusý, ishtiń aýrýy, dıareıa, azdap dene qyzýynyń kóterilýi jáne aýyrsynýlar, salmaq joǵaltý, bulshyqetterdiń aýyrsynýlary,býyndardyń tartylýy jatady.
Asqazan tumaýy medıtsınalyq kómeksiz, úı jaǵdaıynda 1-2 kúnniń ishinde jazylyp ketedi. Asqazan tumaýy aýrýynyń belgilerin báseńdetý úshin, úı jaǵdaıynda organızmdi sýsyzdanýdan saqtap, em shara qoldansańyz bolady.
Emdeý eń birinshi aǵzany sýsyzdanýdan saqtap, tuzdy jáne mıneraldy zattardyń joǵalǵan ornyn toltyrý bolyp tabylady. Osy maqsatta regıdron eritindisin qabyldaıdy. Gastroenterıt vırýssy kezinde antıbıotıkterdi qabyldaý usynylmaıdy. Sondaı-aq dıareıany toqtatyn dári dármekterdi (mysaly, ımodıým) qabyldaýdyń qajeti joq, sebebi, bul dáriler ınfektsııanyń sozylýyna ákep soǵýy múmkin.
Tegter:
gastroenterıt vırýsy
asqazan tumaýy
júrek aıný
qusý
ishtiń aýyrýy
suıyq nájis