Mazmuny
Sınonımderi
Jalpy aqparat
Ihtıoz – kóp taralǵan, tuqym qýalaıtyn aýrý. Ol teriniń qurǵaýymen, túleýimen sıpattalady.
Sebepteri
Ihtıoz teriniń birden-bir eń kóp taralǵan, tuqym qýalaıtyn aýrýy. Ol balalyq kezde bastalýy múmkin. Aýrý urpaqtan-urpaqqa aýtosomdy-domınantty túr arqyly jalǵasady. Demek, bul aýrý bar bolǵany bir ǵana anomaldi ata-ananyń geninnen ósip jetile beredi degen sóz.
Aýrý qys kezinde jıi ushyrasady. Ol atopıkalyq dermatıt, follıkýlıarly keratoz (qoldyń ústińgi jaǵyndaǵy kishkentaı qyzyl túıinder) nemese basqa da teri aýrýlarymen qatar mazalaýy múmkin.
Sımptomdary
• Teriniń qurǵaýy;
• Teriniń túleýi;
• Teriniń qalyńdaýy;
• Jeńil qyshý sezimi.
Kóbinese qurǵak, túlegish teri negizinde aıaqta bolady, sondaı-aq patologııalyq protsess bilekte, qolda jáne denede túziledi. Aýrý sondaı-aq alaqanda kóptegen usaq syzyqtar bolyp shyǵýy múmkin.
Dıagnostıkasy
Dáriger keıde tek terińizge qaraý arqyly da dıagnostıka qoıa alady. Tekserý kezinde teriniń túleýi me qurǵaýynan basqa da sebepteri anyqtalýy múmkin.
Dáriger sizden januıańyzda bir adamnyń teri qurǵaǵyshtyǵy bar ma, joq pa dep suraq qoıady.
Emdeý
Dáriger sizge kúshti ylǵalǵandyrǵyshtardy qoldaný kerektigi jaıynda keńes beredi. Losonnan qaraǵanda krem men jaqpa maılar tıimdi. Olardy shomylǵannan keıin dymqyl terige birden jaǵyńyz. Sizge teri qurǵatpaıtyn sabyn qoldaný kerek bolady.
Dáriger sizge dymqyldandyrǵysh kremderdi taǵaıyndaıdy. Olardyń quramynda túrli hımııalyq zattar bolady, mysaly, sút qyshqyly, salıtsıl qyshqyly jáne nesepnár, olar teriniń qalypty jaǵdaıynyń qaıta qalyptasýyna septigin tıgizedi.
Boljamy
Ihtıoz jaǵymsyz aýrý bolyp tabylady, biraq jalpy densaýlyqqa zııanyn tıgize bermeıdi. aýrý ádette eseıgende joǵalyp ketedi, biraq jyldar óte qaıta mazalaýy da ǵajap emes.
Múmkin bolatyn asqynýlar
Syrylǵan jer arqyly deneniń ashylǵan jerine ınfektsııalyq bakterııa túsip ketýi múmkin.
Dárigerge qashan qaralý kerek
Dárigerińizben aqyldasyńyz, eger:
• Em qabyldasańyz da sımptomdar saqtalyp turyp alsa;
• Sımptomdar asqynyp bara jatsa;
• Teriniń zaqymdanýy deneniń bassqa jerlerine taralyp bara jatsa;
• Jańa sımptomdar paıda bola bastasa.
Aldyn alý
Eger sizde osy aýrý bolsa, eskerińiz balańyzda da osyndaı aýrý bolýy yqtımal.
Sınonımderi
Taralmaly ıhtıoz; balyqsha túleý sındromy.
Tegter:
ıhtıoz
teriniń túleýi
teriniń qyshýy
teri túleýiniń sebepteri
teri aýrýy
Almatyda ıhtıozdy emdetý
ıhtıozdyń sımptomdary