Mazmuny
Dárigerge qashan qaralý kerek
Jalpy aqparat
Tulǵanyń ısterııalyq buzylysy – densaýlyqtyń psıhıkalyq buzylysynan týyndaıtyn jaǵdaı. Ondaı adamdar óte emotsıonaldi bolyp keledi. Ári sondaı mazasyz, kúzeliste júredi, ár kezde adamdardyń kóńilin ózine aýdarýǵa tyrysady
Sebepteri
Bul aýrýdyń sebepteri belgisiz. Bul aýrýdyń týyndaýy tuqym qýalaý saldarynan jáne balalyq kezde tap bolǵan jaǵdaılarǵa da baılanysty bolady dep esepteıdi. Mundaı jaǵdaı áıelderde kóptep kezdesedi. Biraq, dárigerler tekserý barysynda atalmysh aýrýdyń erlerde de jıi bolatynan meńzeýde. Jeke tulǵanyń esirmeli aýrýy eseıe kele paıda bolady nemese 20 jastan asqannan keıin.
Sımptomdary
Tulǵanyń ısterııalyq buzylysy bar adamdar ádette qoǵamdaǵy óz mindetterin tolyq ıgere alady, tipti joǵary dárejelerge de kóterilýge múmkinshiligi bolady, sondaı-aq saıası, shendik oryndarda da qyzmet etip, jaqsy nátıjeler kórsetedi.
Mundaı buzylystary bar adamdarda mynadaı belgiler baıqalady:
• Ózine shamadan tys nazar aýdarý úshin qolynan kelgeninshe áreket etýge umtylady;
• Bógde adamdardyń ózine áser etýne ońaı jol ashyp beredi;
• Óziniń syrtqy tulǵasyna qatty alańdaıdy;
• Tym daraqy, emotsıonaldy bolyp keledi;
• Synǵa, pikirtalasqa shydaı almaıdy;
• Óziniń basqa adamdarmen ara-qatynasy, negizgiden álde qaıda jaqyn dep oılaıdy;
• Sátsizdikterde basqalardy kinálap shyǵa keledi;
• Bir nárseniń oryndalýyna, maquldanýyna qatty asyǵady ;
• Eshnársege zer salyp qaramaıdy;
• Óziniń árqashan nazarda bolǵanyn qalaıdy
• Kóńil-kúıin tez ózgertedi, ózin eshkimge baǵynyshty sezingisi kelmeıdi;
Dıagnostıkasy
Aýrýdyń dıagnostıkasy psıhologııalyq baǵalaýǵa, anamnezdiń aýyrlyǵyna negizdeledi.
Dáriger tulǵanyń ısterııalyq buzylysyn dıagnostıkalaýda tómendegideı erekshelikterin qaraı otyryp anqytaıdy:
• Minez-qulqyna;
• Burynǵy aýrý tarıhyna (anamnez)
• Syrtqy turqyna;
• Psıhologııalyq jaǵdaıyna.
Emdeý
Bul aýrýmen aýyratyn adamdar qınalǵanda, kúızeliske túskende, mazasyzdanǵanda, romantıkalyq qatynasta túsinispestikter bolǵanda, basqa adamdarmen kıkiljińge kelgende jıi dáriger kómegine júginedi. Keıde sımptomdyq emder qurylǵylarmen júrgizilýi múmkin. Áńgimelesý jáne psıhoterapııa – bul aýrýdy emdeýdegi eń tıimdi em bolmaq.
Boljamy
Aýrý aǵymy keıbir dárilerdi qabyldap, áńgimeleskennen keıin ońalyp qalady. Eger aýrýdy emdemese, ol naýqastyń jeke ómirine, jumysyna aıtarlyqtaı zalalyn tıgizýi múmkin.
Múmkin bolatyn asqynýlar
Tulǵanyń ısterııalyq buzylysy adamdarǵa saıası jáne romantıkalyq qatynas jasaǵanda óz áserin tıgizedi. Ondaı adam ár jaǵdaıda ózin ustaı almaı jatady. Olar óz jaǵdaıyn ıgere almaı, basqalarmen til tabysa almaı jumysyn da jıi aýystyrýy múmkin. Mundaı aýrýmen aýyratyn naýqastarǵa jańa kóńil-kúı, jáne qaýipti jaǵdaılardan ótkizip jiberetin serpilister qajet bolyp turady. Bul faktorlardyń bári kúızelispen baılanysty damıdy.
Dárigerge qashan qaralý kerek
Eger sizde, nemese sizdiń jaqyn tanysyńyzda tulǵanyń osyndaı tulǵanyń ısterııalyq buzylysynyń sımptomdary kórinis berse, ózińizge jaqyn jerdegi psıhıkalyq emdeý ortalyǵynyń mamandaryna, bolmasa, dárigerine baryp tekserilińizder.
Tegter:
Isterııa
esirik
esirmelik buzylys
psıhıkalyq jaǵdaı
esirikti emdeý
Almatydaǵy psıhıatrııa