Mazmuny
Sınonımderi
Jalpy aqparat
Silekeı bezderi joldaryndaǵy tastar – bul aýrý, silekeı bezderin ótkizetin tútik sekildi joldarǵa mıneraldyq zattardyń jınalýymen sıpattalady. Silekeı bezderi joldaryndaǵy tastar – silekeı bezderi qyzmetiniń birden-bir buzylǵan túry bolyp esepteledi.
Sebepteri
Silekeı aýyz qýysyna silekeı bezderinen bólinip shyǵady. Silekeıde jınalatyn hımııalyq zattar, krıstaldar túzedi, olar silekeı shyǵatyn joldardy bekitip qalady.
Selekeı bitelip qalǵan joldarǵa tirelip shyǵa almaı qalsa, qaıta aınalyp bezge túsedi. Onyń saldarynan bez tinderi isinip, aýyrtýy múmkin.
Bizdiń aǵzamyzda úsh iri syńarly silekeı bezderi bar:
• Shyqshyt bezi. Olar eń úlkeni. Olardyń árqaısyssy qulaqqa qarama-qarsy jaqtyń asstynda, bet terisiniń ústińgi jaǵynda ornalasqan. Bul bezderdiń biri nemese barlyǵynyń qabynýy parotıt dep atalady.
• Jaqasty bezi. Bul eki bezder aýyz qýysynyń artqy jıegine, eki jaqtyń maıysqan jerine ornalasqan.
• Tilasty bezi aýyz qýysynyń túbinde ornalasqan.
Silekeı bezderiniń tastary kóbinese jaqasty bezderinde paıda bolady, alaıda keıde shyqshyt bezder de kezdesip jatady.
Sımptomdary
• Aýyzdy ashqanda, jutynǵanda mazalaıdy;
• Aýyz qurǵap turady;
• Bet aýyrady nemese aýyz qýysy aýyrady;
• Bet pen moıyn isıdi (tamaq, sýsyn ishkende aýyrýy kúsheıip ketedi)
Kóbinese sımptomdar tamaq ishkente mazalaıdy.
Dıagnostıkasy
Dáriger nemese tis dárigeri sizdiń basyńyz ben moınyńyz jaqty qaraıdy. Ondaǵy silekeı bezderin sıpalaý arqyly bir nemese birneshe úlkeıgen, aýyrsynǵan ózgeristerdi anyqtaıdy. Qarmalaý kezinde dáriger tasty qolymen sezinýi múmkin.
Dıagnoz qoıý úshin betti rentgenge, ÝDZ-ǵa, MRT-ǵa nemese KT-ǵa túsirýi múmkin.
Emdeý
Emdeýdiń basty maqsaty tasty joıý bolyp tabylady.
Sizdigińizden úıde tómendegideı sharalardy oryndasańyz bolady:
• Kóp mólsherde sý ishińiz;
• Silekeıdiń bólinýin arttyrý úshin qantsyz lımon tamshysyn paıdalanyńyz.
Tasty joıatyn basqa da ádister tómendegideı bolyp keledi:
• Jylylyqty paıdalana otyryp, bezge massaj jassaý kerek. Dáriger nemese tis dárigeri joldardaǵy tasty qalaı qozǵaý kerektigin úıretedi;
• Keı jaǵdaıda joldy bekitip qalǵan tastardy alyp tastaý úshin hırýrgııalyq aralasýlar da ótkiziledi.
• Emdeýdiń basqa jańasha nusqadaǵy ádisi soqqy beretin tolqyndardyń kómegimen tastardy untaqtaý bolyp tabylady.
• Sıaloendoskopı dep atalatyn jańa ádisi – kishkentaı beıne kamera nemese quraldyń kómegimen silekeı bezderi joldaryndaǵy tastardy joıýǵa baǵyttalady.
• Eger tastar ınfıtsırlensse nemese qaıta túzile bastasa, onda operatsııa jasalyp, silekeı bezi alynyp tastalynady.
Boljamy
Kóp jaǵdaıda silekeı bezderi joldaryndaǵy tastar aýyrtady nemese jaısyzdyq sezimin týdyrady, odan basqa ınfıtsırlenýi múmkin.
Dárigerge qashan qaralý kerek
Eger sizde silekeı bezderi joldaryndaǵy tastardyń sımptomdary biline bastasadereý dárigerge habarlasyńyz.
Sınonımderi
Sıalolıtıaz
Aýyz qýysyndaǵy máseleler (erlerde / áıelderde)