Tyrnaq pishini men qurylymynyń ózgerýiniń kóptegen sebepteri bar. Keıbir ózgerister, mysaly, tyrnaqtyń ústińgi jaǵynyń oıyqtanýy nemese qartaıýǵa baılanysty tyrnaq betinde tik jolaqtardyń (qatparlardyń) qalyptasýy.
Tyrnaq pishini men qurylymynyń basqa da ózgeristeri mynalardy qamtıdy:
• Etke batyp ósken tyrnaq – tyrnaqtyń ishke qaraı búgilýi, ádette baqaılarda aıaq kıimniń tar bolýynan týyndaıdy. Aýyrsyný nemese zaqymdalý bolǵan jaǵdaıda tyrnaqty hırýrgııalyq jolmen alyp tastaý nemese tyrnaqty qalpyna keltirý qajet bolady. Eger qolaıly aıaq kıimin kıiletin bolsa, tyrnaq óz qalypty jaǵdaıyna oralady.
• Qasyq tárizdes tyrnaqtar kóbinese balalarda kezdesedi jáne bul ýaqytsha qubylys. Mundaı tyrnaqtyń túri keıbir aýrýlarmen, atap aıtqanda temirtapshylyqty anemııamen birge paıda bolady. Tyrnaq ádette qalypty jaǵdaıyna keledi.
• Tyrnaq betindegi shuńqyrlar (oıyqtanýlar). Azdaǵan oıyqtardyń bolýy qalypty jaǵdaı bolyp sanalady. Qatty oıyqtanýlar, ásirese sarǵaıǵan nemese qalyń tyrnaqtardyń, nemese tyrnaq ornynan tyrnaqtyń alynýy teri aýrýlarynan (mysaly, ekzema nemese psorıazdan) paıda bolýy múmkin.
• Tyrnaqtyń betindegi tik jolaqtar (qatparlar) qartaıýǵa baılanysty qalyptasýy múmkin. Sonymen qatar jaraqattyń, ınfektsııanyń nemese aýrýlardyń saldarynan da paıda bolady.
• Tyrnaqtyń qalyńdaýy sańyraýqulaq ınfektsııasynan, jaraqattan jáne qannyń álsiz aınalymynan paıda bolady. Tyrnaqtar qalyńdap, sarǵaıýy jáne tyrnaq betine qatparlar shyǵýy múmkin. Jáne de olar synǵysh keledi. Tyrnaq álsiz bolyp, túsip qalýy múmkin. Múıiz tárizdi tyrnaq – bul ádette jas óte paıda bolatyn tyrnaqtyń erekshe qalyńdaýy.
• Tyrnaqtyń saǵat shynysy sııaqty ózgerýi – bul kóp taralǵan jaǵdaı. Saýsaqtardyń nemese baqaılardyń ushy isip, tyrnaq saǵat shynysy sekildi syrtqa shyǵyp turady. Tyrnaq isingen saýsaqtardy nemese baqaılardy qamtyp, kóterińki, búgilgen jáne ádettegiden jyltyr bolyp kórinedi. Mundaı jaǵdaıǵa ádette sozylmaly júrek, ókpe, baýyr,qalqansha bezi aýrýlary bar adamdar jıi tap bolady.
Tegter:
Etke batyp ósken tyrnaq
Qasyq tárizdi tyrnaqtar
Tyrnaq betinde shuńqyrlardyń qalyptasýy
Tyrnaq betindegi tik jolaqtar
Tyrnaqtyń qalyńdaýy