Yqylyq degen ne?
Yqylyq dıafragmanyń (keýde men ish qýysty bólip turatyn úlken bulshyqet qabyrǵasy) tyryspaly túrde qysqaryp qalǵanda týyndaıdy. Ondaı tyryspaly túrdegi qysqarýda daýys baılamdary (daýys jarǵaǵy) tuıyqtalady jáne kenetten shyǵyp kele jatqan aýany ustap alady. Mundaı ustap alýdyń áserinen yqylyqqa tán dybys shyǵady.
Yqylyqty ne týdyrady?
Asqazan shamadan tys tolǵan kezde yqylyq ustamalary paıda bolýy múmkin, ol ózdiginen ketedi. Asqazan tómendegi jaıttardyń saldarynan tolady:
• Asyǵyp jáne artyq mólsherde tamaq ishý.
• Shamadan tys alkogoldi tutyný.
• Kóp aýa jutý
• Temeki shegý.
• Asqazannyń temperatýrasynyń kenetten ózgerýi (mysaly, ystyq tamaq iship, artynan salqyn sýsyn ishý).
• Emotsııalyq kúızelis nemese qozý.
Yqylyq toqtamaı jalǵasa berse ne bolady?
Yqylyq, ádette, birneshe mınýttan birneshe saǵatqa deıin bolady da toqtaıdy.
48 saǵattan astam ýaqyt ketpeı turyp alǵan yqylyq, uzarmaly dep atalady, Aıdan astam ketpeı qoıǵan yqylyqty sozylmaly yqylyq deıdi. Degenmen sozylmaly yqylyq óte sırek kezdesedi, onyń áserinen adam uıqysy qanbaı júreýi, júdeýi múmkin. Turaqty jáne sozylmaly túrdegi yqylyq anaǵurlym eleýli aýrýlardyń áserinen bolýy múmkin, sondyqtan oǵan mindetti túrde medıtsınalyq baqylaý talap etiledi.
Turaqty bolyp turatyn jáne sozylmaly yqylyqtyń kóptegen belgili sebepteri bolady:
• Ortalyq júıke júıesiniń aýrýlary (qaterli isik, ınfektsııa, ınsýlt nemese jaraqat).
• Aǵzadaǵy hımııalyq protsesterdiń buzylýy (zat almasýynyń buzylýy), mysaly búırek qyzmetiniń álsireýi nemese ókpeniń asa jeldetilýi.
• Bas júıkesiniń, moıyn men keýde jasýshalarynyń titirkenýi, (Blýjdaıýshego ılı dıafragmalnogo)
• Anetezııa nemese operatsııa
• Psıhologııalyq buzylys
Yqylyqty qalaı emdeıdi?
Kóbinese yqylyq ustamalary birneshe mınýt ne birneshe saǵattyń ishinde ózdiginen ketedi, jáne arnaıy bir emdi de qajet etpeıdi.
Yqylyqty úı jaǵdaıynda emdeý úshin qoldanylan kóptegen sharalar bar.
Olardyń kóbisi qandaǵy kómirqyshqyl gazdyń deńgeıin kóteredi, sodan, ádette yqylyq toqtaıdy. Mine olardyń keıbir túrleri:
• Demdi ishte ustap turyp, onǵa deıin aqyryndap sanaý;
• Qaǵazdan jasalǵan qapty jyldamdatyp úrleý;
• Bir staqan sýdy tez iship tastaý;
• Bir shaı qasyq qant nemes bal aralasqan qospany ishý.
Turaqty nemese sozylmaly yqylyqty emdeý, ol yqylyqtyń paıda bolý sebebine baılanysty bolady, jáne soǵan qaraı dáriler men akýpýnktýra nemese gıpnoz taǵaıyndalady.
Keıde turaqty jáne sozylmaly yqylyqty toqtatý úshin, emdeýdiń neshe túrli ádisin paıdalanyp kórýge týra keledi. Eger sizdiń yqylyǵyńyz birneshe kúnge sozylsa nemese odan asyp ketsa, sizdiń emdeýshi dárigerińiz, basqa da qaýipti aýrýlardyń bar-joqtyńyn anyqtaý úshin qan taldamasyn tapsyrýdy qajet etedi.
Yqylyq kimderge beıimdelgen?
Yqylyq áıelderge qaraǵanda, erlerde kóp bolady. Negizi yqylyq eńbektegen baladan, qart kisilerdege deıin bolatyn qubylys.
Tegter:
dıafragmanyń tyryspaly qysqarýy
artyq tamaqtaný
shylym shegý
alkogol