Mazmuny
Impetıgo – teriniń keń taralǵan ınfektsııalyq aýrýy.
Sýrette: teriniń qurylymy
Impetıgonyń qozdyrǵyshy streptokokk nemese stafılokokk bakterııasy bolyp tadylady. Barynsha kóp taralǵan qozdyrǵysh metıtsıllın-rezıstentti altyn tústi staflıkokk (MRAS) bolyp esepteledi.
Ádette teriniń ústińgi jaǵynda bakterııalardyń kóptegen túrleri mekendeıdi. Teri zaqymdalǵan kezde, bakterııalar aǵzaǵa enip ketedi. Munyń saldarynan ınfıtsırlený jáne qabyný paıda bolady. Teriniń zaqymdanýy mynadaı jaǵdaılardan týyndaýy múmkin:
• Janýarlardy tisteýi;
• Adamnyń tisteýi;
• Terini jaralap nemese jaraqattap alý;
• Jándikterdiń shaǵýy.
Impetıgo teriniń betinde kórinetin zaqym bolmasa da paıda bolýy múmkin.
Aýrý kóbinese jaǵdaıy joq eldi-mekenderde, balalar arasynda taralady.
Eresekter ımpetıgomen teriniń basqa máseleleri týyndaǵannan keıin zaqymdanady. Sondaı-aq, ol sýyq tıgennen nemese basqa da vırýstyq ınfektsııalar juqqannan týyndaıtyn kórinedi.
Impetıgo – juqpaty aýrý. Eger sizdiń deneńizdegi kúldireýikterdegi jınalǵan suıyqtyqtar , dene terisiniń basqa ashyq jerine tıse odan da zaqymdaný protsesi týyndaıdy.
Impetıgo myna sımptomdarmen baılanysty:
• Ishine iriń tolǵan, bir nemese birneshe jarylǵan kúldireýikter. Balalardyń terisindegi jarylǵan kúldireýikterdiń orny qyzylqaı nemese qabyqshaly bolyp kórinip turady.
Qyshıtyn kúldireýler:
• Bal tústes, nemese sarǵysh suıyqtyq tolyp turady;
• Sýlanyp turady jáne qyzyl qabyrshyqtanyp turady;
• Bórtpe sekildi kórinedi, bir daq sııaqty bolyp bastalyp, keıin aınalyp, kólemin ulǵaıtyp, qaptap ketedi;
• Bet terisinde, erinde, qolda nemese aıaqta jara bolyp, barlyq denege taraıdy;
• Infektsııalanǵan jerdiń aınalasyndaǵy lımfatıkalyq túıinder úlkeıedi.
Impetıkany dıagnostıkalaý úshin, dáriger terige jalpy tekserý júrgizedi.
Dıagnostıkalaý úshin dáriger teridegi bakterııanyń úlgisin alýy múmkin, ony zerohanada tekserip, qozdyrǵyshtyń túp negizin anyqtaıdy. Bul ádis arqyly MRZS aýrýynyń sebepterin anyqtaýǵa bolady. Atalmysh túrderi ınfektsııaǵa arnaıy antıbıotıkterdi qoldaný kerek.
Emdeýdiń basty maqsaty ınfektsııany jáne aýrý sımptomdaryn jeńildetý bolyp tabylady.
Dáriger sizge bakterııaǵa qarsy kremdi taǵaıyndaıdy. Infektsııanyń aǵymy aýyr bolsa, sizge ishke endiriletin antıbıotıkter taǵaıyndalady.
Terińizdi kúnine neshe ret antıbakterıalyq sabynmen jýyńyz, sonada irinder drenajdalyp shyǵady da, qabyqshalar alynady.
Impetıgo kezindegi jaralar aqyryndap jazylady. Tyrtyqtar qalmaýy da múmkin. Emdelý kórsetkishi álde-qaıda joǵary, biraq kishkentaı balalarda aýrý qaıtalanýy múmkin.
• Búırek jetispeýshiligi (keı jaǵdaıda, poststreptokokktik glomerýlonefrıt);
• Impetıgo keń kólemdi alady (balalarda)
• Teriniń úzdiksiz zaqymdanýy jáne tyrtyqtanýy (óte sırek jaǵdaıda)
• Deneniń basqa bólikterine ınfektsııanyń taralýy.
Impetıgonyń sımptomdary paıda bolǵan kezde dárigerge qaralyńyz.
Infektsııanyń taralýyn toqtatyńyz.
• Eger sizde ımpetıgo bolsa, árqashan taza ysqy men súlgini qoldanyńyz;
• Otbasyńyzdaǵy basqa adamdarmen súlgini, kıimdi, ustarany jáne basqa da jeke gıgıenalyq zattardy bólispeýge tyrysyńyz.
• Kúldiregen jerlerdiń dymqyl tustaryna tımeýge tyrysyńyz;
• Infıtsırlengen terige tıgennen keıin qolyńyzdy muqııat jýyńyz.
Terińizdi amal bolsa taza ustańyz, sonda ǵana ınfektsııanyń taralýynyń aldyn altyn bolasyz. Syrylǵan nemese kesilgen terińizdi sýmen, sabynmen jaqsylap turyp jýyńyz. Siz sondaı-aq, jumsaq, antıbakterııalyq sabyndy da paıdalansańyz boldy.
Derekkóz: http://www.nlm.nih.gov/medlineplus/ency/article/000860.htm
Teriniń jalpy máseleleri (erlerde / áıelderde)
Balalardyń aýyz qýysy máseleleri (erlerde / áıelderde)
Tegter:
teri ınfektsııasy,
ımmýn júıesiniń álsireýi,
jaralar,
qabyrshyqty kópirshikter