Synyqtar, býynnyń shyǵyp ketýi jáne baılamdardyń qatty sozylýy kóbinese, aıaq-qoldyń nemese býynnyń buratylýynyń ne olardyń qalypty jaǵdaıdan jyljýynyń sebebi bolyp tabylady. Synyqtar, býynnyń shyǵyp ketýi jáne baılamdardyń qatty sozylýy kelesi jaǵdaılardy týyndatýy múmkin.
• Qatty aýyrsyný.
• Isiný jáne gematomalardyń (qantalaýlardyń) túzilýi.
• Súıektiń jyljýynyń sezilýi.
• Býynnyń salbyraýy.
• Aıaq-qol nemese býynnyń durys qozǵalmaýy.
• Býynnyń qysylýy (búgilmeıdi nemese túzelmeıdi).
• Jaraqat tusynda nemese odan tómen tusta teriniń salqyndaýy nemese surlanýy, uıyp qalýy jáne shanshýy. Bul júıke nemese qan tamyrlar jaraqattansa, álde qysylsa oryn alady.
Synyq teriniń jarylýyn týyndatýy múmkin. Keıbir jaǵdaılarda synǵan súıek teri arqyly shyǵýy múmkin. Jaraqat aýmaǵyna bakterııalar túsip, teriniń ınfektsııasymen qatar býynnyń nemese súıektiń tereń ınfektsııasyn týyndatýy múmkin.
Shyǵyp ketken súıek súıektiń mańaıyndaǵy qan tamyrlaryn, júıkelerdi, baılamdardy, sińirlerdi jáne bulshyqetti de zaqymdaýy múmkin.
Baılamdardyń sozylýy úlken isinýdi týyndatýy múmkin. Onyń saldarynan qosymsha jasyryn jaraqatty anyqtaý qıynǵa soǵady. Baılamdardyń sozylýy shaǵyn, orta, qatty bolýy múmkin.
Eger sizde aıaq-qoldyń nemese býynnyń buratylýynyń ne olardyń qalypty jaǵdaıdan jyljýyn týyndatqan jaraqat bolsa, dereý dárigerge kóriný qajet bolady.
Baılamdardyń sozylýy men ajyraýy turǵysynan tolyǵyraq myna siltemeden oqysańyz bolady: http://www.zdrav.kz/node/8655
Býyndardaǵy aýyrsyný (áıelderde | erlerde)