Juqpaly erıtema (erythemainfectiosum) - balalarǵa tán juqpaly vırýsty aýrý.
Ádette jeńil túrde ótedi.
Ol neden týyndaıdy? Juqpaly erıtema B19 parvovırýsynan týyndaıdy. Ol kóbinese kóktem mezgilinde mektepke deıingi jastaǵy balalarǵa áser etedi. Aýrý ádette bes kúnge sozylady.
Juqpaly erıtemanyń erte sımptomdary tumaýǵa uqsaıdy; bul sımptomdardan keıin bet álpetine (uryp-soǵylǵan betke uqsas) bórtpe, sondaı-aq qoldyń jáne aıaqtyń syrtqy jaǵyna, quıryqqa jáne denege qyzǵylt bórtpe shyǵady. Bórtpeler ortalyq bólikten bastap, sodan keıin shetki aımaqtan bastap birtindep joǵalady. Jıi jaǵdaılarda bórtpe dene qyzýynyń kóterilýimen, býyndardaǵy aýyrsynýmen qatar júredi.
Bul aýrý bórtpeler paıda bolmastan buryn bir apta ishinde óte juqpaly bolyp tabylady. Bórtpeer paıda bolǵannan keıin ádette bala juqpaly emes dep sanalady. Bórtpeler dene qyzýynyń ózgerýine, kún sáýlesi jáne stress faktorlaryna balanysty birneshe apta ishinde paıda bolýy jáne joǵalýy múmkin.
Juqpaly erıtema balalarda jeńil ótilýine qaramastan, ishtegi nárestege naqty qaýip týdyrýy múmkin. Júkti áıelder mundaı naýqastarmen baılanysýdan aýlaq bolý kerek. Eger júkti áıel juqpaly erıtemamen aýyratyn balamen baılanysqa tússe nemese juqpaly erıtema kezinde týyndaıtyn bórtpege uqsas bórtpe paıda bolsa, bul jaǵdaıda dereý dárigerge barýy kerek.
Juqpaly erıtemany emdeý kezinde balaǵa qolaıly jaǵdaı jasaý qajet. Ádette qyzý basatyn dári-dármekter qoldanýmen shekteledi. Sonymen qaıtar, ózge qaýipti aýrýlar sımptomdaryn baqylap otyrý kerek: mysaly, dene qyzýynyń 38.9 ° C kóterilýi nemese balanyń qatty syrqat ekenin kórsetetin basqa da belgiler.
Tegter:
vırýsty aýrý
bórtpe
dene qyzýy
qaltyraý; tońyp dirildeý