Mazmuny
Tulǵanyń dıssotsıaldyq buzylysy, jeke adamnyń psıhologııasynyń buzylǵan jaǵdaıy dep te aıtylady. Adamnyń tek óz maqsatyn júzege asyrý úshin túrli aıla-sharalar jasaýǵa, basqa adamnyń quqyǵyna qaramaı jáne sol isin óziniń durys sanaýymen sıpattalatyn minezi. Mundaı adam jıi qylmysker bolyp jatady.
Tulǵanyń dıssotsıaldyq buzylysynyń sebepteri belgisiz. Genetıkalyq jáne qorshaǵan ortadaǵy túrli faktorlar, balaǵa qatal mámle tanytý sekildi jaǵdaılar, atalmysh aýrýdyń damýyna sebep bolýy múmkin. Mundaı adamdar, ásirese, áleýmetke qarsy toptardyń ishinen, ishimdikke qul bolǵan januıadan shyǵýy múmkin. Atalmysh buzylystar áıelderdiń arasynan qaraǵanda, erlerden kóptep shyǵyp jatady. Sondaı-aq, bular sottalǵandar arasynda da kóptep kezdesedi.
Birnárseni órteýge beıim bolý, bala kezde janýarlarǵa qatizerdik tanytý sııaqty minezder, áleýmetke qarsylyqtyń bastapqy satylary bolýy múmkin. Keıbir dárigerler esalańdyq pen jeke tulǵanyń dıssotsıaldi buzylysy - ekeýi de bir aýrý dep sanaıdy. Al, keıbireýler esalańdyq – odan qaraǵanda salmaqtyraq buzylys dep esepteıdi.
Jeke tulǵanyń dıssotsıaldy buzylysy bar adamnyń sıpaty mynadaı bolady:
• Tapqyr jáne súıkimdi;
• Basqa adamdardyń emotsııalarymen epti aıla-amal jasaı alady
• Jıi zań buzady;
• Ózinniń jáne basqalardyń qaýipsizdigi týraly bas qatyrmaıdy;
• Aldaıdy, urlaıdy jáne jıi tóbelesedi;
• Óz qateligin túsinbeıdi, moıyndamaıdy;
• Jıi ashýlanady jáne tákappar keledi.
Tulǵanyń dıssotsıaldyq buzylysy adamnyń jeke basynyń psıholgııalyq baǵalanýy, burynǵy aýrýlarynyń jáne olardyń salmaqty sımptomdarynyń negizinde dıagnostıkalanady. Sondaı-aq dıagnoz, jeke tulǵanyń bala kezdegi minez-qulqynyń saralanýymen de júzege asyrylady.
Tulǵanyń dıssotsıaldyq buzylysy - emdelýi eń qıyn aýrýlar qataryna jatady. Mundaı aýrýy bar adamdar ózdiginen medıtsınalyq kómekke júgine bermeıdi. Olar terapııany tek sottyń taǵaıyndaýymen qabyldaýy múmkin.
Minez-qulyqtyq terapııa, ondaı adamnyń jaqsy minezderi úshin marapattap, nashar qylyqtary jaıynda, jaǵymsyz túrde qaıta saralaý ótkizý arqyly júzege asady. Sondaı-aq áńgime terapııasynyń (psıhoterapııa) birneshe formasy qoldanylady.
Jeke dıssotsıaldyq buzylysy bar adam, basqa da osyǵan saı buzylystyrmen aýyratyndar, kóńil-kúıin turaqtaı almaıtyndar nemese mıy zaqymdanǵandar, jalpy, emdeledi.
Ádette sımptomdarynyń sońǵy belgileri jasóspirimdik kezeńiniń sońyna jáne 20 jastan keıingi alǵashqy jyldarynda kórinedi. Keıde sımptomdar ózdiginen 40 jasqa taman jaqsaryp jatady.
Bul aýrýdyń sońy, túrmege túsýmen, esirtkige urynýmen, zorlyq-zombylyq jasaýmen nemese ózin ózi óltirýimen tynýy múmkin.
Eger sizde nemese basqa da tanystaryńyzda jeke tulǵanyń dıssotsıaldyq buzylysy sımptomdary baıqalsa, psıhıkalyq em salasynda qyzmet etetin dárigerge nemese mamanǵa qaralyńyz.
Sotsıopattyq tulǵa; sotsıopatııa; tulǵa buzylysy – antısotsıaldyq
Tegter:
paıdalanýǵa umtylys
balalarǵa degen qatigezdik
qarym-qatynas
maskúnemder
erlerde kezdesedi
túrme
narkomanııa
zorlyq
ózin-ózi óltirý