Infektsııalyq artrıt (sın. irińdi artrıt,septıkalyq artrıt) – bir nemese birneshe býynnyń aýyr túrde qabynýy. Eger ony tez arada emdemese býynnyń qaıtymsyz buzylystaryna alyp kelýi múmkin.
Sebebi. Infektsııalyq artrıt ár túrli mıkroaǵzalardan týyndaıdy. Bul býynnyń sańyraýqulaqty ınfektsııasy nemese vırýstyq, ne bolmasa bakterııalyq bolýy múmkin. Ádette, býynda paıda bolatyn ınfektsııalar jaraqattanǵan kezde nemese hırýrgılıaq operatsııalar jasalǵanda aǵzanyń basqa bólikterinen qantamyrlar júıesi arqyly kelip túsýi múmkin.
Sımptomdary. Infektsııalyq artrıttiń sımtomdary qyzarý, isiný, basqan kezde aýrý sezimderimen bilinedi, barlyq ınfektsııalyq aýrýlardyń sımptomdary sekildi – dene qyzýy kóteriledi, terleıdi, búkil deneniń aýyrsynýy baıqalady. Aktıvti jáne passıvti qımyldaǵanda naýqas aýyrsynýdy sezedi. Kóbinese tize, ıyq, myqyn aralyq jáne usaq býyndardan bilezik,taban býyndary zaqymdalady. Nashaqorlarda ereksheligi segizkóz-myqyn býyndarynyń zaqymdalýy bolady.
Emdeý. Emdeý sharasy tek aýrýhanada júrgiziledi. Eń aldymen rejım qoıylady. Qysqa mezimge zaqymdalǵan aımaqta qımyldy shekteý úshin (ımmobılızatsııa) shına taǵylady; aýrý sındromdary basylǵansha býyndardy passıvti túrde qozǵaý kerek, odan keıin aktıvti qozǵalystardy jalǵastyra berýge bolady. Aqýyz ben vıtamınge baı dıeta taǵaıyndalady. Infektsııanyń túrine baılanysty antıbıotıkter qarastyrylǵan.
Tegter:
artrıt
ınfektsııalyq artrıt
artrıttiń emi
ımmobılızatsııa
antıbıotıkter
býyndardaǵy aýyrsyný