Venerologııalyq aýrýlar – bul jynystyq qatynas arqyly taralatyn juqpaly aýrýlar. Sondaı-aq, keıbir jynystyq jolmen beriletin ınfektsııalar júkti áıeldiń ishindegi balasyna júktilik kezinde nemese júktilikten keıin juǵýy múmkin.
Venerologııalyq aýrýdy adam kez kelgen jynystyq qatynas kezinde (geteroseksýaldy men gomoseksýaldy), sonymen qatar aýyz nemese tik ishektiń jynys múshelerimen tyǵyz baılanysta bolǵanda juqtyrýy múmkin. Jynystyq qatynaspen aınalysatyn adamdardy turaqsyz aýystyrý jáne músheqapty paıdalanbaý jynystyq aýrýlardyń damýyna ákep soqtyrady.
Negizinde venerologııalyq aýrýlardyń aldyn alýǵa bolady, ol úshin turaqsyz jynystyq qatynasqa túspeý qajet jáne jynystyq qatynas kezinde músheqapty paıdalaný kerek bolady.
Venerologııalyq aýrýlarǵa mynalar jatady:
• Gonoreıa
• Hlamıdıoz
• Trıhomonoz
• Merez
• Syrtqy jynys músheleriniń gerpesi
• Jynytyq aýmaqtaǵy súıelder nemese Papılloma vırýs. Aıta ketý kerek, Papılloma vırýsynyń keıbir túrleri jatyr moınynyń qaterli isigin týdyrýy múmkin.
• V gepatıti
• JITS-ti týdyratyn damnyń ımmýndyq tapshylyq vırýsy
Sonymen qatar ózge de ınfektsııalar, atap aıtqanda S gepatıti, tsıtomegalııa vırýsy, qyshyma jáne qasaǵa bıti sııaqty aýrýlar da jynystyq jolmen juǵady.
Venerologııalyq aýrýlardyń sımptomdary áıel adamdarda jáne er adamdarda ár túrli bolady.
Venerologııalyq aýrýlardyń er adamdarda keletin sımptomdary:
• Zár shyǵarý kezindegi aýyrsynýdyń bolýy (kóp jaǵdaıda bul alǵashqy sımptom)
• Syrtqy jynys múshelerinde qyshý, kúıý, aýrysyný sezimi bolady.
• Dene qyzýynyń kóterilýi
• Zárdiń buldyr bolýy
• Syrtqy jynys múshesinen bólindiniń shyǵýy
• Jynystyq aımaqta bórtpe,súıel,jaralardyń paıda bolýy.
• Uma aımaǵynda aýyrsyný (epıdıdımıt)
• Qýyq asty beziniń qabynýy (prostatıt belgileri)
• Ózge de sımptomdar.
Venerologııalyq aýrýlardyń áıel adamdarda keletin sımptomdary:
• Birneshe kúnnen birneshe apta aralyǵynda qynaptan ısi jaǵymsyz,tússiz,qoıý bólindiniń bólinýi.
• Jynystyq aımaqta qyshý, kúıý, aýyrsyný sezimi bolady.
• Qasaǵa aımaǵynda aýyrsyný
• Jynystyq qatynas kezinde aýyrsyný
• Zár shyǵarý kezindegi aýyrsynýdyń bolýy
• Dene qyzýynyń kóterilýi
• Qasaǵa aımaǵynda bórtpe,súıel,jaralardyń paıda bolýy.
• Jynystyq qatynastan keıin qandy bólinisterdiń bolýy
• Ózge de sımptomdar
Atalmysh sımptomdarǵa medıtsınalyq kómek qajet. Bul sımptomdar paıda bolǵan kezde jynystyq qatynastan dereý bas tartyp, mindetti túrde dárigerge qaralý qajet. Venerologııalyq aýrýlardyń kóbisi antıbıotıktermen jáne ózge de dári-dármektermen emdeledi.
Tegter:
jynystyq aýrýlar
gonoreıa
merez
trıhomonoz
gepatıt
JJBI
JJBA