Bul ne? Jelsheshek – Varicella-zoster gerpes vırýsymen taralatyn juqpaly aýrý. Atalmysh vırýstyń juǵý joldary: naýqas jótelgende, túshkirgende jáne denesinde kópirshikti ózgerister saý adam denesine janasqanda júzege asady. Jelsheshek aýrýy alǵashǵy 2-3 kúnde óte juqpaly keledi, ıaǵnı naýqas denesinde bórtpeler men kópirshikter paıda bolǵanǵa deıin.
Jelsheshek aýrýy kóbinese balalarda kezdesedi jáne ol qaýipsiz ótedi. Al jastarda, úlkenderde, júkti áıelderdejáne de ımmýndyq júıesinde aqaýy bar adamdarda aýyr aǵymda ótýi múmkin. Jelsheshek qystyń sońynda jáne kóktemniń bastalysymen jıi baıqalyp, osy kezeńderde óte juqpaly keledi. Buryndary jelsheshek aýrýymen aýyrmaǵan adamdardyń vırýspen qatynasta bolǵandardyń 80-90 paıyzy bul ınfektsııaǵa shaldyǵady. Vırýs adamǵa engen kezinde alǵashqy sımptomdar paıda bolǵansha bilinbeýi de múmkin,ol ádette 14-16 kúnge, keıde 10-21 kúnge deıin sozylýy yqtımal.
Jelsheshektiń sımptomdary: joǵarǵy temperatýra, álsizdik jáne denede kóptep taralǵan ishi suıyqtyqqa toly, qatty qyshıtyn kópirshikti bórtpelerdiń paıda bolýy. Birneshe kúnnen keıin kópirshikter jarylyp, qabyrshyqtalady jáne bir apta kóleminde jańa kópirshikter qaıtadan paıda bolady. Naýqas ózinde qandaı da bir belgiler paıda bolǵanǵa deıin vırýsty tarata berýi múmkin.
Asqynýy. Joǵaryda ataǵandaı jelsheshek qaýip týdyrmaıdy,biraq keıbir adamdarda aýyr aǵymda ótýi múmkin. Ondaı adamdarǵa jastar,úlkender jáne ımmýndyq júıesinde aqaýy bar kez kelgen adamdar (JITS-pen aýyratyndar nemese gormonaldy dárilerdi qabyldaıtyndar) jatady. Jelsheshektiń eń kóp taraǵan asqynyýyna denedegi kópirshikter aınalasyndaǵy terini zaqymdaıtyn bakterıaldy ınfektsııanyń paıda bolýy jatady, ol ary qaraı ókpege, súıekke,tipti qanǵa deıin taralady. Basqa da asqynýlaryna vırýstyq ókpe tininń jáne bas mıy tininiń qabynýy jatady.
Jelsheshektiń emi naýqastaǵy bórtpelerdiń taralýyna, joǵarǵy temperatýraǵa jáne álsizdikke qarsy baǵyttalaldy .Jelsheshektiń aldyn alý maqsatynda qarsy arnaı vaktsına qoldanylady ol balalarǵa jáne áli jelsheshekpen aýyrmaǵan jastarǵa, úlken kisilerge qoldanylady.
Balalar men nárestelerdiń aýyz qýysyndaǵy problemalar
Dene qyzýynyń kóterilýimen jalǵasatyn bórtpe
Balanyń dene qyzýynyń kóterilýimen jalǵasatyn bórtpe
Tegter:
jelsheshek
bórtý
qyshý
temperatýra