Bul ne? Vıbratsııalyq aýrý – bul deneniń keıbir bólikteri, ádette baqaılar men saýsaqtardyń sýyqqa degen úlken reaktsııaǵa ıe bolýy nemese emotsııalyq kúızelis (stress) jaǵdaıy.
Bul aýrý kimderde paıda bolady? Aýrý ádette qurylysshylarda, mashınıstterde,tigin mashınasymen qoldanatyn tiginshilerde ıaǵnı turaqty dirildeıtin quraldarmen jumys jasaıtyn jumysshylarda paıda bolady.Osyndaı quraldar bulshyqettiń, baılamdardyń, súıek jáne býyndardyń ózgeristerine alyp kelip, sol jerdegi nerv júıesin zaqymdaıdy.Zaqymdalǵan aımaqtardyń qan tamyrlary qysylyp, qandanýy buzylady.Keıbir adamdarda vıbratsııalyq aýrý jaraqat nátıjesinde, túrli aýrýlar saldarynan (sklerodermııa,revmatoıdty artrıt) nemese qan aınalymdy zaqymdaıtyn dárilerdi (mysaly:nıkotın, kofeın,quramynda efedrın bar preparattar) qabyldaý áserinen bolady.
Ol qalaı paıda bolady? Ádette adam aǵzasy dene qyzýyn saqtaý úshin sýyq sezingen kezde qan tamyrlaryn taryltady. Stress nemese sýyq adam aǵzasyndaǵy bul fýnktsııasynyń ulǵaıýyna sebep bolýy múmkin. Saýsaq pen baqaı (sırek jaǵdaılarda aıaq, muryn nemese qulaq) bozaryp ketedi, al qolmen ustap kórgende sýyqtaný seziledi. Keıde baqaı men saýsaq uıyp qalady nemese shanshyp aýyrady. Sondaı-aq qatty aýyrsynyp, isinýi múmkin. Vıbratsııalyq aýry kezinde bul belgiler anyq bilinýi nemese múldem bolmaýy múmkin.
Vıbratsııalyq aýrýdyń sımptomdary qandaı? Vıbratsııalyq aýrýmen aýyratyn naýqastar mynadaı shaǵymdary bolady:
• Az ǵana ýaqyt bolǵan sýyqtyń áserinen qoldarynyń nemese saýsaqtarynyń bozarý belgilerine.
• Saýsaqtardyń shanshyp aýyrsynýy men sezimtaldyǵynyń tómendeýine
• Saýsaqtardyń bozarý aralyǵyna bolatyn aýyrsyný jáne sýyqtaný sezimine
• Qol ushy kúshiniń tómendeýine
Vıbratsııalyq aýrýdyń emi aldyn alý sharalarymen qatar júrgiziledi. Atap aıtqanda sýyqtan, kúızelisten jáne basqa da titirkendirgishterden aýlaq bolý jatady.Eger osyndaı sharalar kómektespese, onda dárilik preparttar qabyldaý qajet bolady.
Tegter:
vıbratsııalyq aýrý
aıaq-qoldyń uıýy
qol ushy kúshiniń tómendeýi
saýsaqtardyń shanshyp aýyrsynýy