Júrekte júrek soǵysynyń yrǵaǵyn basqaratyn elektr júıesi bar. Júrekte bolatyn aýytqýlardyń sebebi osy yrǵaqtyń buzylý saldarynan týyndaıdy. Muny arıtmııa dep ataıdy.
Arıtmııanyń birneshe túri bar. Arıtmııa kezinde júrek óte jıi nemese óte baıaý soǵady, nemese júrek múldem soqpaı qalady. Kenetten bolatyn júrek toqtaýlary da osy arıtmııanyń saldarynan bolady. Júrektiń toqtaýy men júrek ustamasy bir-birinen aıyrmashylyǵy bar, ustama kezinde qan aǵymy tejeledi, al júrek soǵysy toqtamaıdy.
Júrektiń kenetten toqtaýynyń kóptegen sebepteri bar. Sebepterine júrek-qantamyr aýrýlary, fızıkalyq kúızelis, sondaı-aq týa bitken aýrýlardyń keıbir túrleri jatady. Keıde dárigerler júrek toqtaýynyń sebepterin tipti anyqtaı da almaı jatady.
Bul jaǵdaı oryn alǵanda dereý medıtsınalyq kómek kórsetilmese, adam birneshe mınýt ishinde ólip ketýi múmkin. Eger naýqastar júrek defıbrıllıatsııasyn ótkizse, keıbir jaǵdaılarda ólim aýzynan aman saqtalyp qalýyna múmkindik týar edi. Defıbrıllıatsııa - elektrlik belsendilikti qalpyna keltirý úshin júrek bulshyqetine elektrlik ımpýlspen áser etý ádisi. Defıbrıllıatsııaǵa deıin, júregi toqtap qalǵan adamǵa júrek-ókpe reanımatsııasyn jasaý kerek, sodan keıin ǵana defıbrıllıatordy qoldanǵan abzal.
Eger sizdiń júregińiz buryn kenetten toqtaǵan bolsa, mynany eskerińiz! Implantatsııalanǵan defıbrıllıator arqyly qaıtalanǵan júrek toqtaýynan adamnyń qyrshynynan qıylyp ketýiniń aldyn alýǵa bolady.
Tegter:
Júrek toqtaýy
Kenetten júrek toqtaýy
Júrek-qantamyr júıesi