Prostatıt – bul erlerde qýyqtan tómen ornalasqan jańǵaq tárizdi múshe qýyq asty beziniń qabynýy bolyp tabylady. Qýyq asty beziniń kóp bóligi uryq suıyqtyǵyn bóledi.
Jıi prostatıttiń sebebi belgisiz bolyp jatady. Prostatıti bar er adamdardyń kóbisinde qabyný belgileri bolmaıdy, sondyqtan onyń naqty sebebin anyqtaý múmkin emes.
Prostatıttiń sebebi ınfektsııa nemese ınfektsııamen baılanysty emes qabyný bolýy múmkin. Ol jedel (qysqa merzimdi) nemese sozylmaly (uzaq merzimdi) bolýy múmkin.
Prostatıt sımptomdaryna mynalar jatady:
• Jıi zár shyǵarý (az kólemde zár shyǵarý baıqalady). Sonymen qatar, zár shyǵarǵanda kúıdirý sezimi týyndap, qýyqty tolyq bosata almaý jaǵdaıy paıda bolady.
• Zár shyǵarýdyń bastapqy kezindegi qıyndyqtar, úzilmeli aǵym (úzdiksiz zár shyǵarý ornyna tolqyn tárizdi zár shyǵarý), qalyptyǵa qaraǵanda óte álsiz, tamshylatyp zár shyǵarý.
• Bel aımaǵynda, uma men anýs aımaǵynda, ishtiń tómengi jaǵynda, umada, sannan joǵary, qasaǵa aımaǵynan joǵary aýyrsyný sezimi men jaısyzdyqtyń bolýy.
• Túngi ýaqytta shekten tys zár shyǵarý.
• Qýyq asty bezindegi aýrý sezimi nemese eıakýlıatsııa kezindegi belgisiz jaısyzdyq.
Prostatıtti emdeý onyń paıla bolý sebepterine baılanysty. Kóp jaǵdaıda medıkamentozdy emdi qajet etedi.
Tegter:
qabyný
ınfektsııa
aýyrsyný
zár shyǵarý kezigdegi jaısyzdyq
eıakýlıatsııa kezindegi jaısyzdyq