Jynys músheleri terisiniń titirkenýin hosh ıistendirilgen sabyn jáne untaqtar, kir jýǵysh untaqtar, nashar gıgıena nemese qatty nemese boıaǵysh matadan jasalǵan ish kıimder, sonymen qatar, áıelderge arnalǵan gıgıenalyq tósemderi shaqyrýy múmkin. Mektepke deıingi jastaǵy qyzdarda jynys músheleriniń terisiniń titirkenýi, ádette, jetkiliksiz gıgıenadan týyndaıdy.
Qynap nemese nesep joly mańaıyndaǵy teriniń titirkenýi zár shyǵarǵan kezde kúıdirip aýyrsyný sezimin shaqyrýy múmkin. Jynys músheleri terisiniń titirkenip, aýyrsyný sezimi erler men balalarǵa qaraǵanda áıelder men qyzdarda kóp kezdesip jatady.
Zár shyǵarý kezinde aýyrsyný bolǵan qyzdardyń teń jartysynda zár shyǵarý joldarynyń ınfektsııasynan góri jynys músheleri terisiniń titirkenýi baıqalady. Zár shyǵarý kezindegi aýyrsyný jıi zár shyǵarýǵa shaqyrýymen qatar, súndettelmegen ul balalardaǵy shetki terisi qabynýyn týdyrýy múmkin.
Jynys músheleri terisiniń titirkenýiniń aldyn alý úshin:
• Kúnine bir ret jynys músheleri aımaǵyn taza sýmen nemese jumsaq sabynmen jýyńyz. Muqııat shaıyńyz, sondan soń keptirińiz. Terini titirkendiretin hosh ıistendirilgen sabyn jáne untaqtardy paıdalanbańyz. Teriniń titirkenýin týdyratyn jáne qurǵaýyna ákeletin vannaǵa arnalǵan kóbikterdi paıdalanýdan bas tartyńyz.
• Maqtadan jasalǵan ish kıim, maqtadan jasalǵan tóseýi bar shulyqtar jáne keń kıim kıińiz. Bul qynap aımaǵyndaǵy aýa aınalymyn jaqsartýyna septik etedi.
• Náresteniń jaıalyǵyn ylǵaldanǵan kezde jáne ishekteri bosaǵan kezde tez arada aýystyryńyz. Qolyńyzdy jaıalyqty aýystyrǵanǵa deıin jáne aýystyryp bolǵannan keıin jýyńyz.
Eger áıelde onyń aldynda zár shyǵarý joldarynyń aýrýy bolǵan bolsa, bul jaǵdaıda dıafragmany nemese spermıtsıdti kremdi, kóbik pen geldi qoldanbaǵany abzal.
Jynystyq múshe terisiniń titirkenýiniń basqa sebepteri jynystyq qatynas, velosıped aıdaý, jetkiliksiz jıi zár shyǵarý, qynap nemese tik ishek aımaǵynda jaraqat alý nemese ınfektsııanyń bolýy (mysaly, gerpes, vagınıt nemese papılloma vırýsy) jatady.