Sińirdiń sozylýy – bul jaǵdaı býyndy jaraqattap, sińirdi sozyp alǵanda oryn alady. Sińir – býyndardy baılanystyrýshy, jipke uqsas, serippeli múshe. Onyń sımptomy - súıek synǵandaı bolyp bilinedi.

Dárigerler sińirdiń sozylýyn aýyrlyq dárejesine qaraı jikteıdi.

Sozylýdyń birinshi satysy – bulaı sozylǵanda, jaryla qoımaıdy. Belgileri men sımptomdary mynalardy qamtýy múmkin:

  • Býyn isinedi, baıaýlap bastalyp, qyryndap isigi úlkeıip, aýyra bastaıdy.
  • Býyn óz turaqtylyǵyn saqtap turady.
  • Býynnyń qozǵalýy ádettegideı bolyp tura beredi.


Ekinshi dárejedegi sozylý kezinde ishinara baılanys úzilýi múmkin. Belgiler men sımptomdar mynalardy qamtýy múmkin:

  • Jaraqat alǵanda syqyrlaǵan daýys estiledi
  • Aýyrýy barǵan saıyn kúsheıip, isinip ketedi
  • Qozǵalys shekteledi.
  • Jaraqat alǵan aýmaq kógeredi.
  • Býyn óz ornynda turmaıdy.


Sozylýdyń úshinshi satysynda sińir tolyǵymen úzilip qalady. Belgiler men sımptomdar mynalardy qamtýy múmkin:

  • Jaraqat alǵan kezde syqyrlap synady.
  • Aýyrsyný, barǵan saıyn asqyndaıdy (tolyq úzilý kezinde aýyrsyný keıde ishinara emes).
  • Qatty isinip, kógerip ketedi (jıi, biraq únemi emes).
  • Býyn oınap qalady (qıǵashtyq nemese erkindik seziledi).
  • Qaıralý nemese qajalý sezimi týyndaıdy.
  • Tolyqtaı jyrtylǵan jer isinip ketedi.
  • Uıý nemese terleý sııaqty jaǵdaılar oryn alady.


Sińir sozylýynyń jazylýy adamnyń jasyna, densaýlyǵyna sýzylý satysyna baılanysty bolýy múmkin. Densaýlyǵy jaqsy adamnyń sińiriniń azdap sozylýy birneshe kún nemese apta ishinde jazylýy múmkin. Qatty sozylýdan qalpyna keltirý birneshe aıǵa sozylady jáne uzaq ýaqyt kútinýge týra keledi, keıin ol qalpyna kelmeıdi, aýrýy qalyp qoıady, qozǵalys azdap shekteli, býyndyń turaqsyzdyǵy nemese deformatsııasy oryn alady, sosyn qaıta-qaıta jaraqat týa beredi.

Sińir sozýyna alǵashqy kómek berý úshin – eń aldymen tynyshtaný kerek, muz basý qajet, kompress jasap, aıaq-koldy joǵary kóterip qoıǵan durys. Azdaǵan sozylýlar úı jaǵdaıynda da jazylyp ketýi múmkin, al, sozylǵan sińir barǵan saıyn aýyr, kúsheıip bara jatsa, medıtsınalyq kómekke júginý kerek. Olar, gıps nemese tańǵysh baılap berip, dárilik preparattar engizip, operatsııa da jasaýy yqtımal.