Tsellıýlıt –genetıkalyq túrde tek áıeldiń denesine tán sozylmaly patologııa bolyp tabylady. Tsellıýlıttiń paıda bolýyna birneshe faktorlar áser etýi múmkin: genetıkalyq, endokrındik, enzımdik , psıhosomatıkalyq, toksıkalyq jáne eń mańyzdysy tamyrlyq. Buryn bul aýrýdy – lıpodıstrofııa, passıvti maı (joıylmaıtyn maıdyń kúrdeli túzilisi) dep ataǵan. Biraq, «tsellıýlıt» degen termıni bekitilip, densaýlyq pen sulýlyq sózdikterinde erekshe orynǵa ıe boldy. Eýropa men AQSh-ta tsellıýlıt máselesi 1957 jyldan beri mańyzdy oryn alyp keledi. Jáne sodan beri qaraı, belgili bir emdeý nátıjelerine de qol jetkizdi.
Tsellıýlıt – garmondardyń joıylyp, organızmniń úılesimsizdiginen paıda bolatyn aýrý. Muny keıde ustanǵan ómir saltyna baılanysty paıda bolatyn aýrý deıdi. «Apelsın qabyqshasy» sekildi jumsaq bolady, qatty jáne qatty men jumsaq aralas túrde de kezdesedi (Bul túr eń kóp taralǵan). Osy jaǵdaılarǵa baılanysty ádister suryptalady.
Tsellıýlıttiń paıda bolýy – kóptegen áıelderge tanys jaǵdaı. Teri qatparlanǵanda aldymen teriniń ústingi qabatynan usaq budyrlar shyǵady. Sodan soń bul budyrmaq qosarlanyp, ólshemsiz paıda bola beredi. Sońynda tsellıýlıt aıaq pen sandy suryqsyzdandyryp jiberedi, bir qaraǵanda saýsaqpen ábden shuqylaǵan qamyrǵa uqsap qalady. Tsellıýlıt tek syrtqy aqaýlarmen toqtap qalmaıdy, teri ústindegi maıly torlarǵa, shuńqyr-shuńqyrlarǵa kóz úırenip qalǵanymen, ol óziniń zaqymdaý fýnktsııasyn ári qaraı jalǵastyra beredi. Tipti ishki aǵzalar men tinderdiń qyzmetterin buzyn jalǵastyrady. Bastapqy kezeńde, bul bar bolǵany maıly tinderdiń ózgerýimen sıpattalady, odan keıin ol damı kele, kúrdeli fýnktsııalarǵa jalǵasyp, kishi jambas aǵzalaryna shabady (etekkirdiń toqtaýyna, qosalqy ósindilerdiń paıda bolýyna jine t.b. jaǵdaılarǵa soqtyrady).
Emdelýi. Tsellıýlıtti emdemes buryn, eń alydmen dáriger-kosmetologpen keńesip alǵan jón. Tsellıýlıttiń sebepti spektri óte kólemdi bolǵandyqtan, ádette ony jeke emdeý kerek, jáne jalpylama qabyldanǵan amaldar eshqendaı nátje bermeı jatady, biraq odan jalpy jaǵdaı nasharlap ketýi ǵajap emes. Qandaı jaǵdaıda bolmasyn naýqas burynǵy ómir súrý daǵdysyn ózgertýi kerek, tamaqtanýyna kóńil bólgeni abzal.
Qazirgi ýaqytta tsellıýlıtti jeke emdeýdiń kóptegen ádisteri bar. Jaqsy áser etetin,jáne keń taralǵan ádis – mezoterapııa jáne tsellıýlıpolız ádisteri. Mezoterapııa qazirgi kezde tsellıýlıt jaǵdaıyna ǵana emes, terini jasartý ádisi retinde de keńiren qoldanylýda. Búgingi tańda pressoterapııa jáne antıtsellıýlıttyq jaqpa maılardy antıtsellıýlıttyq massajben úılestire qoldaný, jaqsy nátıje berýde. Keıbir emhanalarda tsellıýlıtten aıyqtyrý úshin tipti súlikpen emdeý sekildi sizge tańsyq emdeý túrlerin usynýy múmkin.