Hlamıdıoz – erlerdiń jáne áıelderdiń nesep joldarynda, jatyr moıynynda nemese reprodýktıvti organdarynda (keıde barlyq úsh organdarda da ) bakterııalyq ınfektsııasynyń paıda bolýy . Hlamıdııalar jynystyq jolmen beriledi. Kóptegen elderde bul aýrýdyń túrleri keńinen taralǵan.
Sondaı-aq hlamıdıoz ınfektsııasy tik ishekke jáne kózdiń shyryshty qabatyna zaqym keltirýi múmkin.
Hlamıdıoz áserinen qynaptan nemese jynys múshesinen bólindiler aǵyp, zár shyǵarý kezinde aýyrtýy múmkin.
Degenmen, kóp jaǵdaıda sımptomdar baıqalmaıtyndyqtan, adam óziniń ınfektsııa juqtyrǵanynan beıhabar kúıde bolýy múmkin. Hlamıdıozdy emdemese, jambas organdarynyń qabynýyna jáne áıelder men erkekterdiń bedeýligine ákelýi múmkin.
Infektsııa juqtyrǵan adamnyń bólindisi kózge tıetin bolsa, ony da zaqymdaıdy. Eger bakterııa anasynda bolsa, bala týǵan kezde, balanyń kózin nemese ókpesin (pnevmanııa) ınfektsııamen zaqymdaýy múmkin . Ádette kózdiń ınfektsııasyn boldyrmaý úshin, týylǵannan keıin kózine dereý antıbıotıkterdi tamyzady.
Hlamıdıozdy antıbıotıktermen esmdeýge bolady. Sonymen qatar, jynystyq seriktesterdi de bir ýaqytta emdeý qajet.
Tegter:
hlamıdıoz belgileri
Hlamıdıozdy emdeý
Jynystyq jolmen beriletin hlamıdıoz ınfektsııasy