Aldyńǵy aıqysh baılamynyń jaraqaty – dep ortańǵy jilikti asyqty jilikpen baılanystyratyn baılamnyń jaraqatyn aıtamyz. Aldyńǵy aıqysh baılamynyń jaraqaty ýaqyt óte kele búgilýge jáne tizeniń álsizdigine aparýy múmkin.
Aldyńǵy aıqysh baılamynyń jaraqaty kezinde baılamnyń jartylaı nemese tolyq jyrtylýy múmkin, ıaǵnı bóliný – ortańǵy jiliktiń asyqty jilikten bólinýi jáne bólinýmen birge júretin synyq – súıektiń basqa súıekterden bólinýimen qatar baılamnyń jyrtylýy. Jaraqat kezinde tek baılam ǵana emes, sonymen qatar menısk (tizeniń taǵy bir baılamy) jáne súıektiń shetterin jabatyn shemirsheterde zaqymdalýy múmkin.
Aldyńǵy aıqysh baılamynyń jaraqaty tizemen barynsha búgilip, kerip nemese aınalmaly qımyldar jasaǵanda paıda bolady. Bul jaraqat shalt qımyldar jasaǵannan paıda bolady, kóbinese start-stop qımyldaryn talap etetin sport túrlerinde kezdesedi. Aldyńǵy aıqysh baılamynyń jaraqaty sportpen shuǵyldaný kezinde nemese kútpegen sátsizdikter oryn alǵanda bolýy múmkin.
Aldyńǵy aıqysh baılamynyń jaraqatynyń sımptomdaryna: tize syqyrlaǵandaı bolady, nemese talyp aýyrssynýlar kezdesedi, úzilip ketetindeı sezim qylań beredi.
Aldyńǵy aıqysh baılamynyń jaraqaty sozylmaly aldyńǵy aıqysh baılamynyń jetkiliksizdiginen paıda bolýy da múmkin, ıaǵnı tizeniń álsizdigi men súıekterdiń qozǵalyp ketýi odan saıyn kúsheıedi. Bundaı aqaý asqynýnyń nátıjesinde erte paıda bolatyn osteoartrıtke ákelýi múmkin.
Aldyńǵy aıqysh baılamynyń jaraqaty emniń nátıjesi tize jaraqatynyń dárejesine jáne organızmniń belsendiligine baılanysty bolady. Emge fızıkalyq reabılıtatsııa nemese operatsııamen qosa reabılıtatsııa jatady.
Tegter:
jaraqat
Baılamdar
Sińirdiń jyrtylýy