Toksıkoz – adamdy jaısyz sezindiretin, birtúrli jaǵdaı. Ol masaıý sııaqty, birneshe ýaqytqa sozylady. Júkti áıelderde toksıkoz, olardyń organızminde uryqtyń damýy kezinde zııandy zattarmen ýlanǵan jaǵdaıda paıda bolady.
Erte toksıkoz – ádette uryqtyń paıda bolýynan alǵashqy 12 aptada júktilerdi mazalaıdy. Júkti áıel álsizdikke, silekeıdiń kóp bólinýine, tábettiń joǵalýyna, dám seziminiń ózgerýine shaǵymdanady.
Tipti bul jaǵdaıdan eseńgirep qalýy da múmkin. Aýyr jaǵdaıy: kúndiz de túnde de, shamamen 20-ǵa deıin jetetin qusý mazalaýy múmkin. Nátıjesinde organızmde sýdyń azaıýy, sýsyzdaný paıda bolyp, júkti áıel kenetten aryqtaıdy. Onyń terisi qurǵaıdy jáne bosaıdy, temperatýrasy kóteriledi, pýlsi jıileıdi, qan qysymy tómendeıdi.
Kesh toksıkoz – bul óte qaýipti jaǵdaı. Júktiliktiń 20 aptasynan bastap bosanǵanǵa deıingi aralyqty qamtıdy. Júkti áıeldi bul kezde qusý qatty mazalamaıdy, biraq, isikter paıda bolady; birinshi aıaqta, sosyn qolda, sodan soń bette paıda bolady. Eger emdelmese isik búkil denege taralady. Sonymen qatar toksıkozda qan qysymy 140/90 nemese odan da joǵary kóterilip, tipti dárilermen tómen túsirýde qıyndyq týǵyzady. Sosyn odan da joǵarlaı beredi. Kesh toksıkozda dárigerler kómektespese, naýqastyń mańyzdy músheleri zaqymǵa ushyraýy múmkin: búırek, ókpe, júrek, mı. Bul kezde júkti áıelde bastyń aýrady, bas aınalý, kóz kórýi nasharlaýy, qulaǵynda shýyl paıda bolyp, qusyp, júregi aınyp, ishi aýyrsynady. Tipti toksıkozda júktiliktiń ekinshi jartysynda eklampsııa paıda bolady. Eklamsııa paıda bolǵanda – qaltyraýmen birge, esti joǵaltýy da múmkin. Mundaı esten tanýlar qatty dybystyń, qatty jaryqtyń, bolmasa qatty aýrýdyń áserinen de bolady. Eklamsııa júkti áıeldi ólimge ákeletin aýyr buzylystyń nátıjesi bolyp tabylady. Ólimniń sebebine: mıǵa qan quıylý, entigip tynys alý, búırektiń durys jumys jasamaýynan bolady. Bul kezde sonymen qatar, uryq joldasynyń merziminen buryn jarylýynan bolýy múmkin.
Emdelýi
Erte toksıkoz. Kez-kelgen toksıkozdyń boljamy jaǵymsyz keledi. Toksıkozdyń birinshi sımptomdary paıda bolǵanda birden dereý akýsher-gınekologka baryńyz. Der kezinde emdelse, qolaısyz jaǵdaılardyń aldyn alýǵa bolady. Erte toksıkoz kezinde tamaqty az-azdan jıi iship turý kerek. Taǵamdy qatty ystyq kúıinde jeýge bolmaıdy. Salmaǵyńyzdy turaqty ólshep turyńyz, egerde salmaǵyńyz joǵarlap nemese tómendeıtin bolsa – bul apattyq belgi bolyp tabylady. Jaǵymsyz jaǵdaılarǵa qaramastan, júktilikti saqtaýǵa tyrysyńyz, sebebi kelesi júktilikte toksıkoz qaıtalanyp, aýyr formada bolýy múmkin.
Kesh toksıkoz.Kesh toksıkozdyń emi aýrýhanada júrgiziledi. Tósektik rejımdi ustanyp, strestik faktorlardan barynsha aýlaq bolý kerek. Júkti áıel suıyqtyqty kóp iship, tuzy shektelgen dıetany saqtaý kerek. Qan qysymyn tómendetý úshin arnaıy dáriler qoldanylady. Eger kerek bolǵan jaǵdaıda aqýyz preparattaryn kúretamyr arqyly tamshylatyp engizedi. Aýyr jaǵdaıda, júrgizilgen em nátıjesiz bolsa, eklamsııanyń aldyn alý maqsatynda – júktilikti úzý kerek.
Tegter:
Preeklamsııa
Qusý
Eklamsııa
Júktilik