Bastartý sındromy - ádetke aınalǵan alkogoldi nemese esirtkini paıdalanýdy toqtatýdan keıin paıda bolatyn jaǵymsyz fızıkalyq nemese psıhıkalyq ózgeris. Munyń sımptomdary birneshe kúnge sozylýy múmkin jáne júrek aıný, qusý, sharshaǵyshtyq, mazasyzdaný, bir ornynda otyra almaý, qobaljýshylyq sııaqty jaǵdaılar oryn alady.
Bastartý sındromynyń sımptomdary alkogoldi nemese esirtkini shamadan tys qoldanǵannyń áserinen paıda bolady.
Alkogolden bas tartý sındromynyń sımptomdary keıin 4-12 saǵattan soń nemese sońǵy ishken kúninen, birneshe kúnge deıin qoldanbaı júrgende paıda bolady. Alkogolge qanshalyqty táýeldi bolsa, bas tartý sındromnyń sımptomdary da sonshalyqty aýyr soǵady (ony elirme deıdi). Elirme kezinde kózdik jáne qulaqtyq gallıýtsınatsııa, ashýshańdylyq jáne shatasý, dirildeý jáne talma sııaqty belgiler baıqalady. Elirmeni emdemese, keıbir jaǵdaılarda ólimge ákep soqtyrýy múmkin.
Esirtkiden bastartý sındromynyń sımptomdary esirtkige táýeldiliktiń túrlerine baılanysty bolady. Jalpy sımptomdary júrek aıný, qusý, ishtiń aýyrsynýy, talma bolyp tabylady.
Alkogolden jáne esitrkiden bas tartý sındromy kezinde emdelý úshin dári-dármek nemese oryn aýystyrýshy terepııa qoldansa bolady. Alkogolızmde jáne esirtki qabyldaý kezinde kóbinese emi retinde reabılıtatsııa paıdalanylady.
Tegter:
bas tartý sındromy
alkogoldi ıntoksıkatsııa
gallıýtsınatsııa
talma
Qaltyraý
esirtki