Jambas býynynyń dısplazııasy - bul jambastyń joǵarǵy bóliginiń ornalasý shuńqyryna tyǵyz ornalaspaǵan jambas býynynyń qalypty ósýinen týyndaǵan jaǵdaı. Dısplazııa jambas býyndarynyń bireýinde nemese ekinshi jaǵynda da kezdesýi múmkin. Jambas súıegi ornalasýy kerek shuńqyrǵa erkin kire alady nemese oǵan tolyǵymen kirmeıdi (taıyp ketedi). Osy jaǵdaı jambas býynynyń dısplazııasyna beıimdi bolyp keledi. Jambas býynynyń dısplazııasyna uldardan qaraǵanda qyzdar jıi ushyraıdy.
Dısplazııanyń belgileri týý kezinde baıqalady. Týylǵan sátte dısplazııanyń belgileri baıqalmaı qalatyn jaǵdaılar sırek kezdesedi, biraq jaǵdaı týylǵannan keıin alǵashqy birneshe aptadan nemese aıdan keıin damıdy. Jambas dısplazııasynyń naqty sebebi belgisiz, biraq ol náresteniń týǵanǵa deıin, týylý kezinde nemese bosanǵannan keıingi kúıine baılanysty bolýy múmkin. Sonymen qatar júktilik kezinde ananyń sińirlerin bosańsytýǵa arnalǵan gormondardy kóp mólsherde qoldaný jambas dısplazııasyn týdyrýy múmkin.
Jambas býynynyń dısplazııasy dıagnozy qoıylǵan balalarda:
• Dısplazııanyń eleýli belgileriniń bolmaýy.
• Ekinshi jambaspen salystyrǵanda bir jambastyń ishki jaǵynda teri qabattary artyq bolady. Ár jambasta teri qabattarynyń bólikteri sımmetrııaly kórinbeıdi.
• Aýrý belgisi bar jambastyń, bókse býynyna aınalyp turýyna baılanysty, aıaq saýsaqtarynyń syrtqa qaraı buralyp turýy baıqalady.
• Qozǵalys jıiligi azaıady, jambas qozǵalysy aýyrlap, nemese ıkemdiligi azaıady.
• Bir aıaǵy ekinshi aıaǵyna qaraǵanda qysqa.
Keıbir jaǵdaılarda, bala júre bastaǵansha, jambas dısplazııasynyń belgileri baıqalmaıdy. Bul jaǵdaıda bala:
• Bir aıaǵy ekinshisinen qysqa bolǵandyqtan, aıaǵyn basyp tik turǵanda bir jambasy ekinshi jambasynan kóterińki turady. Aýrý belgisi bar aıaq qysqa bolyp keledi.
• Aıaq uzyndyǵyndaǵy aıyrmashylyǵyn retteýge tyrysyp, bir aıaǵynyń saýsaqtaryn kóterip, aıaqtyń ushymen júredi.
• Aqsańdap júredi.
Dısplazııany emdeý balanyń jasyna baılanysty, jambas súıegin óz ornynda saqtaýdyń qanshalyqty ońaı bolatynyna jáne deformatsııanyń damý dárejesine baılanysty bolady. Emdeý tańǵysh qalaq salyp, beldikterdi baılap, gıps qoıyp nemese ota jasaý arqyly júzege asyrylýy múmkin. Emdelmegen jaǵdaıda jambas dısplazııasy, arqanyń aýrýy nemese jambas býyndarynyń buzylýyna (jambastyń degradatsııasy) ákep soqtyrýy múmkin.
Tegter:
jambas býynynyń dısplazııasy
shyǵý
jartylaı taıý