Kishkene aýqymdaǵy bas jaraqatynan qandy qalaı toqtatýǵa bolady

Bet terisimen bas terisine jaqyn ornalasqan qan tamyrlarynyń kóp bolýyna baılanysty, bastaǵy kishkentaı jaraqattyń ózinen kóp qan ketýi múmkin. Mundaı kóp túrdegi qansyraýdan qaýiptenýińiz múmkin. Biraq, kóp jaǵdaıda jaraqattyń aýyr bolmaýyna baılanysty, emdik sharalardy úı jaǵdaıynda jasap, qandy toqtatýǵa bolady. Úıde emdeýge bolady ma, joq álde shuǵyl túrdegi dárigerdiń kómegi qajet pe, ony jaraqattyń túrine qarap sheshý kerek.

Shuǵyl kómekke muqtaj jaǵdaılar

Eger bastaǵy jaraqat tereń jáne súıekten ári ótken bolsa, shuǵyl kómek qajet. Jedel járdem qyzmetkerlerine habarlasyńyz. Jaraqatty myna jaǵdaılarda basyp qyspańyz:

• Bas súıegi deformatsııalanǵan. Bas súıektiń maıysýy, synyq súıektiń kórinip turýy, nemese ashyq mıdyń kórinýi bas súıektiń deformatsııalanǵanyn bildiredi.
• Kózdiń jaraqaty.
• Murynnan nemese qulaqtan aqqan qandy, móldir suıyqtyqty toqtatýǵa tyryspańyz

Kishkene jaraqattaǵy qandy toqtatý
Qandy toqtatar aldynda:

• Múmkindik bolǵan jaǵdaıda qolyńyzdy sabyndap sýmen jaqsylap jýyńyz.
• Eger siz basqa adamnyń jaraqatyna emdik shara qoldanatyn bolsańyz, jaraqatty basý aldynda qoldaryńyzǵa lateksti qolǵap kıip alynyz (bar bolsa). Qolǵap joq jaǵdaıda, qolyńyzben jaraqattyń arasyna birneshe búktelgen taza materııany nemese plastıkalyq paketti qoıynyz. Jaraqatty jalań qoldarmen tek basqa amal bolmasa ǵana qysyńyz.
• Zardap shekken adamdy shalqasymen jatqyzyńyz
• Jaraqattan kórinip turǵan bógde zattardy alyp tastańyz. Biraq jaraqatty tazalaýǵa tyryspańyz.
• Dákemen, taza materııamen nemese qolda bar taza matamen jaraqatty qattyraq qysyp baılańyz. Eger jaraqatta alynbaǵan bógde zat bolsa, zattyń ústinen emes, janynan qysý kerek.
• Saǵatqa qarap, aldaǵy 15 mınýt boıy jaraqatty qysyp turyńyz. Uzaq ýaqyt ótkendeı bolýy múmkin, degenmen jaraqattan qan toqtaǵanyn kórý úshin erte ashyp jiberýden saqtanyńyz. Eger qan mataǵa ábden sińip ketken bolsa, matany almaı turyp ústinen ekinshi matany qoıyńyz.
• 15 mınýt úzbeı basyp turǵannan soń, bosatqanda qan qaıta paıda bolsa, jaraqatty taǵy da 15 mınýt qysý kerek. 3 ret 15 mınýttan basýǵa bolady (barlyǵy 45 mınýt).
• Eger 15 mınýt ótkennen keıin, qan toqtamasa, tipti azaımasa qysyp tura berińiz. Qan aǵyp jatqan jerin kóterińki qalypta ustańyz jáne dáriger shaqyryńyz.
• Shok alýdyń sımptomdary, mysaly: qatty ýaıymǵa berilý, jaǵdaıdy tolyq túsine almaý, qorqynysh sezimderine ushyraý, jıi jáne ústirtin ǵana tynys alý t.b.. Shok alý – shuǵyl kómekti talap etedi. Sebebbi ol adam ómirine qaýipti jaǵdaı.

Tegter:
qansyraý
bas jaraqaty
kesilý
shuǵyl kómek
qan tamyrlary