Siltilerge áktas, gıps, áktas ertindisi, pesh jáne sý qubyrlaryn tazalaǵyshtar, ydys-aıaq jýǵysh mashınalarǵa arnalǵan untaqtar, tyńaıytqyshtar, «bengal alaýynyń» ushqyny jatady. Olar túrlerine qaraı, siltiniń kúshimen jáne denemen árekettesý uzaqtyǵyna qaraı az ýaqyttyń ishinde aýyr zardaptaryn tıgizýi múmkin. Silti hımıkattary teri qabattaryna tereń enip, zaqymdaı alady.
Kúıgennen keıin, qandaı hımıkat kúıikke sebepker bolǵanyn anyqtańyz. Tez arada taksıkologııalyq ortalyqqa habarlasyp, qandaı em-sharalar qoldaný kerektigi jaıynda qosymsha aqparat alyńyz. Taksıkologııalyq ortalyqqa habarlasqan kezde, kúıdirgen hımııalyq zattyń qorapshasyn qolyńyzǵa alyńyz, taksıkologııalyq ortalyqtyń qyzmetkerine qorap syrtyndaǵy aqparatty oqyp berińiz.
Kóbinese hımııalyq kúıikter, eń aldymen, zardap shekken adamnyń denesinen hımıkatty ketirý úshin kóp mólsherdegi sýmen jýý arqyry emdeledi. Biraq, barlyq hımıkattar bulaı emdele bermeıdi. Eń mańyzdysy, alda qıyndyqtar týmas úshin, durys emdik is-sharalar qoldaný kerek.
Sýmen shaıýǵa bolatyn hımııalyq kúıikter
• Tez arada aǵyl-tegil sýmen jýyńyz. Kúıikti birneshe mınýttyń ishinde jýyp tastasa, onyń órship ketý qaýpi tómendeıdi.
• Zaqymdanǵan jerdi eń bolmaǵanda, 20 mınýttyń ishinde jýyńyz.
• Jýmsartylmaǵan qatty sýdy qoldanbańyz, sebebi ol, kúıgen jerge jaǵymsyz áser etýi múmkin.
• Eger qasyńyzda hımııalyq zattan zardap shekken adam bolsa, oǵan dereý jýý kerektigin aıtyńyz.
• Eger hımıkatty aralastyrý kerek bolsa, arnaıy qolǵap kıip alyńyz.
• Hımıkat tıip, zaqymdanǵan jerińizdegi baǵaly zat men kıimińizdi sheship qoıyńyz.
• Eger jaralanǵan jer 20 mınýt ótkennen keıin de ashyp tursa, onda qatty aǵyn sýdyń astynda taǵyda 10-15 mınýt ustap turyńyz.
Sýmen shaıýǵa bolmaıtyn hımııalyq kúıikter
Keıbir qyshqyldan bolǵan kúıikter sýmen jýǵanda órshinip ketedi.
• Qurǵaq untaqtardy, sol sııaqty qurǵaq áktastardy aldymen shótkemen tazalap tastaý kerek. Áıtpese olar sýmen árekettesip ketýi yqtımal. Al untaqtar joıylǵanna keıin, ony jaqsylap sýdy qatty aǵyzyp qoıyp jýyńyz.
• Metal qosyndylary mıeraldy maılarmen jabylady.
Hımıkat kózge tamyp ketse, eń aldymen ony kóp sýmen qaıtalap jýa berińiz. Tezdetip jýý kerek, sonda ǵana kózdiń zaqymdanýynyń aldyn alýǵa bolady. Eger kózińiz hımııalyq zatqa kúıse, mindetti túrde, tez arada dárigerge baryńyz.
Tegter:
silti
áktas
gıps
hımııalyq kúıik
bengal alaýy
hımıkat
teri