Mazmuny
Alopetsııa – dep, shashtyń oshaqtanyp týsetin aýrýyn aıtady. Bul aýrý asqynsa, bolashaqta shash túgeldeı túsip, taz bolyp qalýy múmkin.
Sebepteri
Oshaqty alopetsııanyń sebebi belgisiz. Degenmen, bul aýrý keıde tuqym qýalaıdy.
Oshaqty alopetsııa aýtoımmýndy aýrý bolyp tabylady. Immýndyq júıe qatelesip deneniń saý aǵzasyna shabýyl jasap, bútin tinderdi buzady.
Oshaqty alopetsııa erler men áıelder arasynda, sondaı-aq balalar ishinde de kezdesedi. Keıbir adamdardaǵy shashtyń túsýi júktilikke nemese alǵan jaraqatyna baılanysty bolýy múmkin.
Alopetsııanyń túrlerine:
• Oshaqty alopetsııa – Shash azdaǵan jerden ǵana túsedi.
• Totaldy alopetsııa – shash bas terisinen tolyǵymen túsip qalady.
• Ýnıversaldy alopetsııa – totaldy shash túsýi, ıaǵnı barlyq teridegi túkter túlep qalady.
Shashtyń túsýi, negizinde, aýrýdyń jalǵyz belgisi bolyp tabylady. Keıbir naýqastarda ashý nemese qyshý sezimi bolýy múmkin.
Oshaqty aloptsııada ádette bastyń 1-2 jerinen shash túse bastaıdy. Sosyn, túsýi jıilep ketedi. Keıbir adamdarda alopetsııa oshaqtary saqalda, qastarda, qoldarda nemese aıaqtarda paıda bolýy múmkin.
Shashtyń túsken oryndary tegis jáne dóńgelek bolady. Olar shabdalynyń túsine uqsap keledi. Keıde, taz bolyp qalǵan jerlerge lep belgisine uqsas shashtar paıda bolýy múmkin.
Alǵashqy sımptomdar bastalǵannan keıin 6 aı ishinde shash tolyq túsip qalýy yqtımal.
Aýrýdy dıagnostıkalaý úshin bas terisine bıopsııa jasalýy múmkin. Aýtoımmýndy aýrýlar men qalqansha beziniń aýrýlaryn boldyrmaý úshin, qan analızin taǵaıyndaý kerek.
Emdelýi
Eger azdan túsip jatsa, onda birneshe aıdyń ishinde esh emdelýsiz ózdiginen qaıta ósedi.
Shash túgel túsip, múldem óspeı qalsa, ony kansha emdese de qaıta ósý-ózpeýi belgisiz.
Eń kóp qoldanylatyn emdeý ádisteri:
• Gormondardyń teri astyna engizilýi 2
• Teri betine, qoldanylatyn dáriler
• Ýltrakúlgin sáýlelermen terapııa
Shashtyń túsý aımaqtaryn jasyrý úshin, jasandy shashty qoldanýǵa bolady.
Qazirgi kezde túsken shashtardy qatadan tolyq qalpyna keltirý múmkindigi bar.
Degenmen, keıbir adamdarǵa bul boljam sáıkes kelmeı qalýy da ǵajap emes. Mysaly:
• Jas kezinen bastalǵan, oshaqty alopetsııa
• Ekzema
• Sozylmaly alopetsııa
• Bas jáne teri shashynyń tolyqtaı túsýi.
Shashtaryńyzdyń jıi túsýin baıqasańyz, dereý dárigerge baryńyz.
Aqparat kózi: https://medlineplus.gov/ency/article/001450.htm
Sınonımder: Totaldy alopetsııa; ýnıversaldy alopetsııa
Tegter:
Uıaly alopetsııa
Dermatoz
Alopetsııa belgisi
Alopetsııa emi