Bul ne? Vırýstyq nemese bakterııalyq gastroenterıt - bul asqazan jáne ishektiń shyryshty qabyqtarynyń qabynýy, qusý men ishi ótý arqyly belgi beredi. Bul aýrý asqazan tumaýy dep atalady.
Buǵan ne sebep boldy? Gastroenterıt vırýstyq nemese bakterııalyq ınfektsııadan paıda bolady. Eń jıi qozdyratyn qozdyrǵyshy - rotavırýs dep atalady. Buǵan sebep bolatyn epıdemııalyq qubylystar kóbinese mektepterde, qarttar úıinde jıi kezdesip jatady. Rotavırýs ashyǵan taǵamda jáne lastanǵan aýyz sýda bolady. Gastroenterıt sımptomdary ınfektsııa juqqannan keıin 4-ten 48 saǵat aralyǵynda baıqalady.
Gastroenterıttiń sımptomdary: júrektiń aınýy; qusý; ish qatyp qalý; dıareıa; dene qyzyýynyń sál kóterilýi jáne qaltyraý, salmaq joǵalý, bulshyqet aýyrsynýy, býyndardyń qozǵalmaı qalýy t.b.
Asqazan-ishek tumaýy ádette 1-2 kún ishinde medıtsınalyq kómeksiz jazylyp ta ketedi. Úıdegi emdeý, mysaly, degıdratatsııamen kúresý asqazan tumaýynyń belgilerin jeńildetip, problemalaryn boldyrmaıdy.
Emdeý úshin birinshi kezekte degıdratatsııamen kúresip, sondaı-aq joǵalǵan tuzdar men mıneraldardy qalpyna keltirýge kúsh salý kerek. Osy maqsatta regıdron sııaqty tuzdar men mıneraldardyń eritindilerin qoldanýǵa bolady. Vırýstyq gastroenterıt kezinde antıbıotıkter taǵaıyndalmaıdy, sondaı-aq dıareıany toqtatýǵa baǵyttalǵan preparattar da usynylmaıdy, sebebi olar ınfektsııanyń odan saıyn órshı túsýine sebep bolady.
Sýyq tııý jáne tumaý er adamdar/ áıeder
Tegter:
Gastroenterıt degen ne
Gastroenterıt sımptomdary
Gastroenterıttiń emi
Gastroenterıt sebebi
Ishtegi aýrý sezimi
Júrek aıný