Shashty sándeıtin jáne árlendiretin arnaıy zattar shashtyń tabıǵatyna zııanyn tıgizýi múmkin.
Shash adam aǵzasynda qandaıda-bir fızıologııalyq mańyzdy ról atqarmaıdy. Olar durys kútim jasalmaǵannan zaqymdansa da eshteńe etpeıdi.
Shashty zaqymdaıtyn jáne onyń synǵyshtyǵyn, bólingishtigin týdyratyn sándeý quraldaryna mynalar jatady.
• Shashqa arnalǵan qysqyshtar;
• Termobıgýdı;
• Tym ystyq shash keptirgishteri;
• Shash óńdeýge arnalǵan hımııalyq zattar: mysaly, boıaýlar, tonaldy, aǵartqysh quraldar, shashty túzetý jáne turaqty tolqyn berip turatyn qurylǵylar.
Shashqa arnalǵan quraldardy durys qoldanǵan jaǵdaıda, bul ónimder zııan keltire bermeıdi.
Eger osy hımııalyq quraldardyń kez-kelgenin tym jıi qoldansa, shash álsiz jáne synǵysh bolyp qalady. Eger de bir kúnde eki protsedýra oryndalsa nemese aǵartqysh qural, buryn boıaýdan tazartylǵan shashqa qoldanylsa, shashqa zaqym kelýi múmkin.
Shashty tartyp turatyn úlgilerde (mysaly, órilgen, bıikke býylyp turatyn) jáne shashty bir orynda arnaıy elastıkalyq tańǵyshtarmen baılaǵan kezde, olar jıi túsýi múmkin.
Shashty qatty, tyǵyz etip baılaýdan aýlaq bolyńyz nemese shashty sándeýdiń erkin túrlerimen almastyryńyz. Múmkindiginshe, shashyńyzǵa serpimdi tańǵyshtardy az baılańyz.
Tegter:
shashtyń túsýi
shashtyń synýy