Aqtańdaq (Vıtılıgo) - bul teri aýrýy, melanotsıtter fýnktsııasynyń joǵalýynan nemese tómendeýinen teride, shashta, kózdiń torly qabatynda aq tústi daqtartyń damyp ketýin aıtamyz. Aýrý kez kelgen jastan bastalýy múmkin, biraq kóbinese 70%-y 20 jasqa deıin adamdarda baıqalady. Aqtańdaqtyń qaıdan paıda bolatyny, sebepteri men mehanızmderi jaıly suraqtyń jaýaby áli tabylmady, sondyqtan osy aýrýdyń tıimdi jáne tolyqqandy emdeý máselesi osy kúnge deıin aqsap tur.
Aqtańdaq emi
Ýltrakúlgin sáýlelerge, teriniń sezimtaldyǵyn arttyratyn ósimdik maıynan jasalǵan preparattar qoldanady. Aqtańdaǵy bar naýqastardy emdeý barsynda, shaıqýraı syǵyndylaryn syrtqa jáne ishke, kún sáýlesimen nemese synapty-kvarts shamymen sáýlelendir arqyly qoldanǵan kezde oń nátıjeler alyndy. Aqtańdaqty emdeýde birqatar dárilik ósimdikterdi qoldanýdyń tıimdiligi týraly málimetter bar. Sonyń negizinde, naýqastar shóptiń shyrynyn (tunbalaryn), aq daqtar paıda bolǵan jerine jaǵý kerek. Mysaly: japyraq shyryny men injirdiń jasyl jemisterin, qyzyl buryshty, jańadan jasalǵan shyryn, qaınatpa nemese tunba (1:1, 1:2) kishi baldyrshóp, jańa pisken qulpynaı shyryndary.
Dese de osy dáriler tolyqqandy áser etý úshin, terige ýltrakúlgin sáýlemen birge qoldaný qajet. Eń tıimdi joly, uzyn tolqyndy ýltrakúlgin sáýlelenýmen (tolqyn uzyndyǵy 320-390 nm) ushtastyra otyryp, dárilik zattardy qoldaný kerek. Bul ádis ǵylymda, PÝVA-terapııasy nemese fotohımıoterapııasy (FHT) dep atalady. Emniń oń áseri álsiremes úshin, uzaq merzimde osy eldeýdi dembil-dembil qoldanyp týrý kerek.
Naýqas adam boıyndaǵy aqtańdaqpen qatar paıda bolǵan, basqa da aýrýlaryn emdemese, bul aýrýdan tolyq emdelýi múmkin emes. Vıtılıgo – «ishki aýrýlardyń syrtqy kórinisi» dese de bolady. Aqtańdaǵy bar adamdardyń kópshiliginiń baýyry aýyrady. Osyǵan baılanysty baýyrdyń jáne ót qabynyń jumysyn jaqsartatyn keshendi terapııa preparattaryn engizý usynylady: essentsıale, holagogým. Aqtańdaqtardan qutylý úshin baýyrdy emdeýdiń mańyzy zor: gastroenterlogtardyń aıtýynsha baýyr lıamblıozyn emdegennen keıin aqtańdaqtardyń kóbisi ózdiginen joıylyp ketetin kórinedi.
Keıbir avtorlar depıgmentatsııany (tússizdik) gelmıntter qozdyryp, endokrındik bezderdiń qalypty qyzmetin buzyp, aǵzada mys tapshylyǵyn týdyrady dep boljaıdy. Mundaı jaǵdaılarda júrgizilgen degelmıntızatsııa naýqastardy emdeýge jaqsy yqpal etti.
Aqtańdaǵy bar naýqastarda jıi kezdesetin patologııalardyń biri - endokrındi aýrýlar bolyp tabylady: qalqansha bezi fýnktsııasynyń buzylýy; asqazan-ishek jolyndaǵy ózgerister – asqazannyń qyshqyldyq jáne pılorıkalyq fýnktsııalarynyń buzylysy; júrek-qan-tamyr júıesi aýrýlary.
Tegter:
vıtılıgo
Aqtańdaq