Ýlaný qalaı bolady? Ýlaný kezdeısoq bolyp qalýy múmkin, nemese ádeıi ózine qol jumsaý maqsatymen de bolyp jatady. Desede, ýlanýdyń qandaı túri bolmasyn, dárigerdiń kómegi qajet. Ýly zattar tynys joldary arqyly organızmge sińip, zııanyn tıgizýi múkin, sonymen qatar terige quıylyp nemese kózge tamyp ketken jaǵdaıda da óz zardabyn tartqyzady.
Ýlaný dárejeleri - zardap shekken adamnyń jas erekshelikterine, ýlaǵan zattyń túrine jáne sanyna da qatysty bolyp keledi. Tabıǵatynan qyzyqqysh kelgendikten, jas balalarda ýlaný qaýipi basym. Ýlanýdan zardap shekkenderdiń 50%-dan astamy 6 jasqa tolmaǵan balalar. Búıregi nemese baýyry aýyratyn jandarda da jıi ýlanyp jatady
Qandaı sharalar qoldaný kerek? Eger ýlanǵanyńyzdy sezseńiz, dereý toksıkologııalyq ortalyqqa, aýrýhanaǵa nemese dárigerlerge habarlasyńyz. Janyńyzda sizdi ýlaǵan zattyń qutysy bolsa, ony qolyńyzǵa ustap turyńyz, ondaǵy ý jaıyndaǵy málimetti, jáne ony qashan qoldanǵanyńyzdy mamanǵa baıandap berińiz. Jáne de jasyńyz ben salmaǵyńyzdy dereý esińizge túsirip alyńyz.
Ýlaný qaýpin sezinseńiz 03 – ke habarlasyńyz!!!
Tegter:
Ýlaný, ýly zattar, ýlaný qaýpi