Mazmuny
Júrek qyzmetiniń jetkiliksizdigi kezinde júrek organızmniń qajettilikterin óteý úshin qandy tolyq kólemde aıdaı almaıdy. Júrek qyzmeti jetkiliksizdiginiń damýy júrektiń toqtap qalýyn nemese endi toqtap qalý múmkindigin bildirmeıdi. Bul degenimiz – júrek qajettilikke saı qandy aıdaı almaıtyndyǵyn bildiredi. Bul kezde júrektiń bir jáne eki jaǵy da zaqymdanýy múmkin.
Júrektiń aıdaý qyzmetiniń álsireýinde paıda bolady:
- Ókpede qan men suıyqtyqtyń jınalýy
- Aıaqtyń ushynyń, tobyqtyń jáne aıaqtyń aýmaǵynda suıyqtyqtyń jınaqtalýy, olar isinýler atalady
- Sharshaý jáne entigý paıda bolady.
Júrek qyzmeti jetkiliksizdiginiń sebepteri – júrektiń ıshemııalyq aýrýy, joǵary arterıaldyq qysym, qant dıabeti jáne basqa birqatar aýrýlar. Ol kóbinese, 65 jastan asqan adamdarda, artyq salmaǵy bar adamdarda, buryn júrek talmasy bolǵan adamdarda jıi kezdesedi. Áıelderge qaraǵanda erlerde júrek qyzmeti jetkiliksizdiginiń damý qaýpi joǵary keledi.
Dáriger júrek qyzmetiniń jetkiliksizdigin medıtsınalyq tekserý jáne birqatar kardıologııalyq tekserýler arqyly anyqtaıdy.
Emdeýge júrek qyzmeti jetkiliksizdiginiń negizgi sebepterin emdeý, dárilik quraldardy qabyldaý jáne basqa ádister tıimsiz bolǵanda júrektiń transplantatsııasyn (almastyrýdy) jasaý kiredi.