Mazmuny
Jalǵan podagra – artrıttiń ustamasy paıda bolýymen sıpattalatyn býyndardyń aýrýy. Podagra kezindegideı, býynda krıstaldar túziledi. Alaıda, jalǵan podagrada krıstaldar nesep qyshqylynan túzilmeıdi.
Jalǵan podagra kaltsıı pırofosfaty krsıtaldarynyń (KPFK) jınaqtalýy saldarynan paıda bolady. Býynda osy tuzdyń jınalýy olarda krıstaldar túzilýine yqpal etedi. Osynyń saldarynan tizede, bilekte, tobyqta jáne basqa býyndarda isiný, aýyrsyný ustamasy paıda bolady.
Jalǵan podagra bir býynda kenetten jiti artrıttiń paıda bolýynyń jıi sebebin quraıdy, kóbinese, egde jastaǵy adamdarda.
Jalǵan podagra negizinen, egde jastaǵy adamdar arasynda kezdesedi. Degenmen, keıde kelesi aýrýlary bar jas adamdarda da kezdesedi:
- Akromegalııa
- Gemohromatoz
- Ohronoz
- Qalqanserik beziniń aýrýlary
- Qalqansha bezdiń aýrýlary
- Vılson aýrýy
Jalǵan podagranyń sımptomdary telimdi bolmaǵandyqtan, ony kelesi aýrýlarmen jıi shatastyrady:
- Podagralyq artrıt (podagra)
- Osteoartroz
- Revmatoıdtyq artrıt
- Býyndaǵy aýyrsyný ustamasy jáne býynnyń mańaıynda suıyqtyqtyń jınalýy onyń isinýine aparady.
- Sozylmaly (uzaq sozylatyn) artrıt
Aýrýdyń ustamalarynyń arasynda aýrý sımptomdarsyz ótedi.
Býynnyń suıyqtyǵyn taldaý kezinde leıkotsıtter jáne kaltsıı pırofosfatynyń krıstaldary anyqtalady.
Býynnyń rentgeninde býynnyń zaqymdanýy jáne býyndyq keńistikte kaltsıı tuzdarynyń jınaqtalýyn anyqtaýǵa bolady.
Býynda anyqtalǵan krıstaldardy muqııat zertteý dárigerge bul aýrýdy anyqtaýǵa kómektesedi. Býynda aýyrsynýy bolatyn kóptegen aýrýlar birdeı dárilermen (steroıdty jáne steroıdty emes qabynýǵa qarsy preparattar) emdeletindikten, dıagnoz qate qoıylsa da, siz durys emdele alasyz.
Emdeýge býyndaǵy qysymdy azaıtý úshin suıyqtyqty alyp tastaý kiredi. Ine býyn mańaıyndaǵy keńistikke engiziledi, al suıyqtyq sorylyp alynady (aspıratsııa).
Býynnyń kúshti isinýin emdeý úshin steroıdtardyń ınektsııasy taǵaıyndalady. Birneshe býyn zaqymdansa, ishýge arnalǵan steroıdtyq preparattar taǵaıyndalady.
Steroıdty emes qabynýǵa qarsy preparattar (NPVP) aýyrsyný ustamalaryn jeńildetýge kómektesedi. Keıbir naýqastarǵa kolhıtsın taǵaıyndalýy múmkin.
Sáıkes emdeýde oń boljamdy.
Emdeý bolmasa, býynnyń qaıtymsyz zaqymdanýy damýy múmkin.
Býynda isiný nemese aýyrsyný ustamasy bolsa, dárigerge kórinińiz.
Bul aýrýlardyń aldyn alý sharalary joq. Alaıda, jalǵan podagraǵa yqpal etetin basqa aýralardy emdeý aýrýdyń barysyn jeńildetedi, jáne aýrýǵa shaldyqpaǵan naýqastarda onyń aldyn alady.
Kaltsıı pırofosfaty krıstaldarynyń jınaqtalý aýrýy; KPFK aýrýy.