Bul degenimiz ne? Sepsıstik artrıt (ony taǵy da ınfektsııalyq artrıt dep ataıdy) býynnyń ishindegi bakterıaldyq, vırýstyq nemese zeńdik ınfektsııadan týyndaıdy.
Sepıstik artrıt ınfektsııa qan aǵymy joldarymen taralyp, býynǵa túskende damýy múmkin. Sonymen qatar, ınfektsııa býynǵa qasyndaǵy juqpalanǵan jaradan túsýi múmkin.
Qaýip faktorlary: sozylmaly aýrýlardyń bolýy, ımmýndyq júıeni basatyn dárilerdi qabyldaý, aýtoımmýndyq aýrýlardyń bolýy, jaqynda býynǵa jasalǵan operatsııa (artroskopııa), kóktamyr ishilik esirtkilerdi paıdalaný.
Aýrý ádette, býynnyń isinýimen jáne kúshti aýyrsynýmen, sondaı-aq, temperatýranyń artýymen sıpattalady.
Sepsıstik artrıt balalarda kez kelgen jasta baıqalýy múmkin, biraq, kóbinese, 3 jasqa deıingi balalarda. Sábılerde kóbinese, jambas býyndary zaqymdanady. Olarda aýrý ádette, V tobynyń streptokoktardyń, sondaı-aq, Haemophilus influenza saldarynan týyndaıdy.
Aýrý 3 jastan jasóspirimdik kezeńge deıin sırek kezdesedi. Ári qaraı aýrý gonokokktardan týyndaıdy.
Eresekterde kóbinese iri býyndar zaqymdanady: mysaly, jambas, tize, ıyq, shyntaq býyndary. Infektsııalyq artrıt ádette, bir býyndy zaqymdaıdy, biraq, birneshe býyndy da qamtýy múmkin. Eresekterde aýrýdyń sebepteri - stafılokoktar, streptokoktar, sondaı-aq, týberkýlez mıkobakterııalary jáne Candida albicans.
Sımptomdary. Sábılerdegi sımptomdary - zaqymdanǵan qol-aıaqtyń qımyly shektelýi (jalǵan paralıch). Sábı qol-aıaǵyn qozǵaǵanda nemese jaıalyǵyn aýystyrǵanda jylaıdy. Temperatýra artýy múmkin.
Eresekterde sımptomdary kelesideı sıpattalýy múmkin:
· Jalpy álsizdik jáne bas aýyrýy.
· Býynnyń aýyrsynýy, qyzarýy, isinýi jáne tejelýi.
· Býyndy azdap qozǵaǵanda nemese qysym túsirgende kúshti aýyrsyný.
· Joǵary temperatýra jáne qaltyraý.
· Býynnyń qasyndaǵy qyzyl jolaqtar.
· Lımfa túıinderiniń ulǵaıýy.
Emdeý. antıbıotıktermen shuǵyl emdeý qajet. bakterııaǵa sezimtaldyqqa baılanysty arnaıy tańdalǵan antıbıotıkterdi qoldaný ońtaıly.
Zaqymdanǵan býyndy hırýrgııalyq tásilmen shaıý ınfektsııanyń taralýynyń jáne býynnyń buzylýynyń aldyn alýy múmkin. Aıaq-qoldy tynysh kúıde ustaý qajet. aýyrsynýdy jeńildetý úshin jyly kompress basýǵa bolady.