Mazmuny
Ovýlıatsııaǵa úıde test ótkizý
__Testke qalaı daıyndalý qajet?__
Ovýlıatsııa birizdi gormondyq úrdisterdiń saldarynan bolady. mıda ornalasqan gıpofız FSG (folıkýl túzilýin yntalandyratyn gormon) jáne LG (lıýteındeıtin gormon) gormondaryn bóledi, olar qan aǵynymen analyq bezge túsedi.
Bul gormondar analyq bezdiń bireýinde uryq jasýshanyń jetilip, bosatylýyna belgi beredi.
Talshyqtardyń qozǵalýy uryq jasýshasyna jatyr tútikshesi arqyly jatyrǵa ótýine kómektesedi. Uryq jasýsha spermatozoıdpen uryqtanady nemese uryqtanbaǵan bolsa, ydyraıdy.
Ovýlıatsııaǵa úıde test ótkizý.
Ovýlıatsııaǵa úıde test ótkizý áıelderge etekkir aınalymy kezinde júkti bolýynyń joǵary múmkindigin anyqtaýǵa kómektesedi.
Test nesepte LG (lıýteındeıtin gormon) artýyn anyqtaıdy. Bul gormonnyń artýy analyq bez uryq jasýshasyn bólgendigin bildiredi. Úı jaǵdaıynda bul test uryq jasýshanyń qashan bosatylyp shyǵýyn anyqtaý úshin qoldanylady. Bul testiler kóptegen dárihanalarda satylady.
Ovýlıatsııany anyqtaıtyn jıyntyq 5-7 testilik jolaqtarmen biriledi. Olar birneshe kún boıy LG deńgeıiniń kóterilýin anyqtaýǵa qajet. Testini bastaý kúni etekkir aınalymynyń uzaqtyǵyna baılanysty. Mysaly, qalypty aınalym 28 kún bolsa, LG deńgeıin etekkir bastalǵannan keıin 11-shi kúni tekserý qajet. Test jolaqqa nesep tamyzý qajet, nemese test-jolaqty zarasyz ydysqa jınalǵan nesepke salý kerek.
Test-jolaq belgili bir túske boıalady nemese basqa oń nátıje beredi, eger gormonnyń kóterilýi anyqtalsa.
Oń nátıje degenimiz – ovýlıatsııa jýyrdaǵy 24-36 saǵat ishinde bolatyndyǵyn bildiredi, biraq, bul nátıje barlyq áıelderde birdeı senimdi bolmaıdy. Jıyntyqqa kiretin nusqaýlyqta nátıjelerdi qalaı túsindirýge bolatyndyǵy aıtylady. Testi ýaqytyly jasalmasa, ovýlıatsııany ótkizip alasyz. Etekkir aınalymy turaqty bolmasa da gormonnyń kóterilýin anyqtaı almaısyz.
Testini qoldaný aldynda kóp suıyqtyq ishýge bolmaıdy.
Testini qoldaný aldynda keıbir dárilerdi ishýdi toqtatý qajettigi týraly dárigerden surańyz.
LG kórsetkishin tómendetýi múmkin preparattardyń quramynda estrogen, progesteron, testosteron bolady. Estrogender men progesteron uryqtanýǵa qarsy tabletkalarda jáne gormondy almastyrý emdeýinde bolady.
Klomıfen tsıtraty (Klomıd) preparaty LG deńgeıin kóterýi múmkin. Bul preparat ovýlıatsıny shaqyrýǵa kómektesý úshin qoldanylady. Bul preparatty qabyldaıtyn áıelder dárini qabyldaýdy toqtatqannan keıin úsh kún ótkende LG tekserýine bolady.
Bul test áıelderge ovýlıatsııanyń ýaqytyn anyqtaý úshin qajet. Etekkir aınalymy 28 kúndi quraıtyn áıelderde bul 11-14 kúnder aralyǵynda. Eger etekkir aınalymy turaqty bolmasa, test jıyntyǵy ovýlıatsııa qashan bolatyndyǵyn anyqtaýǵa kómektesedi.
Ovýlıatsııany anyqtaý keıbir dárilerdiń mólsherlemesin tańdaý úshin de qajet.
Oń nátıje «LG kóterilýin» kórsetedi. Bul jýyr ýaqytta ovýlıatsııa bolatyndyǵynyń belgisi.
Sırek, jalǵan teris nátıjeler bolýy múmkin. Bul test jıyntyǵy ovýlıatsııany qate anyqtaǵandyǵyn bildiredi.
Eger LG kóterilýin anyqtaı almasańyz nemese jıyntyqtyń kómegimen birneshe aı boıy ovýlıatsııany anyqtap, júkti bola almasańyz, dárigermen keńesińiz. Múmkin, sizge bedeýlikti emdeıtin dárigerdiń keńesi qajet bolar.
Source: https://www.nlm.nih.gov/medlineplus/ency/article/007062.htm