Mazmuny
Osteoporoz – bul ýshyǵyp, súıektiń synǵyshtyǵyna jáne juqarýyna aparatyn aýrý. Bul kezde synyqtardyń paıda bolýy yqtımaldyǵy artady. Aýrý kóbinese, 50 jastan asqan áıelder arasynda mıneraldyq almasýdyń buzylysynda jáne durys tamaqtanbaýdyń saldarynan bolady. Osteoporozǵa súıektiń túzilýi úshin mańyzdy balalyq, jasóspirimdik shaǵynda tamaqpen birge mıneraldyq zattekterdiń ońtaıly mólsherin almaǵan adamdar beıim keledi.
Sebepteri
Osteoporoz súıektiń qurylysynyń buzylysymen baılanysty, ol qartaıý úrdisiniń tabıǵı bóligi. Osteoporoz erlerdiń arasynda da bolǵanymen, etekkir toqtaý shaǵyndaǵy áıelder arasynda asa keń taraǵan. Súıektiń tyǵyzdyǵy men myqtylyǵyn qamtamasyz etetin qos mıneral - kaltsıı men fosfordyń jetkiliksiz mólsheri, D dárýmeniniń jetkiliksizdigi osteoporozdyń damýyna aparýy múmkin.
Sımptomdary
Osteoporozǵa jambas súıekteri asa beıim. Osteoporozǵa shaldyqqan egde adamdarda jambas súıek pen bilek súıekteri synǵysh keledi. Osteoporozdyń jıi belgisi – beldiń aýyrsynýy jáne deneniń eriksiz eńkeıip ornalasý.
Emdeý
Emdeý úshin kaltsııdiń jáne D dárýmeniniń jetkilikti mólsheri bar taǵam tutyný qajet, udaıy dene jattyǵýyn oryndap, súıektiń tyǵyzdyǵyn arttyratyn dárilik preparattardy qabyldaý qajet.
Egde jasta osteoporozdy kaltsııge baı emdám ustanýmen nemese quramynda kaltsıı bar taǵamdyq qospalardy qabyldaý arqyly aldyn alýǵa bolady. Ortasha dene júktemesi de osteoporozdyń aldyn alýdaǵy mańyzdy faktor. Osteoporozdyń jáne basqa sozylmaly aýrýlardyń aldyn alý úshin usynylatyn dene belsendiligi men tamaqtaný týraly bilý úshin salaýatty ómir salty men durys tamaqtaný boıynsha usynystardy oqýdy usynamyz.
Damyǵan elderde 40 jastan asqan áıelderge súıek salmaǵynyń joǵaltylýynyń aldyn alý úshin estrogen men progesteron preparattaryn qabyldaý usynylady. Mundaı tásil etekkir toqtaý shaǵyndaǵy áıelderge asa jaramdy.