Mazmuny
Ortan jiliktiń ushynyń epıfızıolızi – urshyqbýynnyń ushynyń ósýdiń joǵarǵy aımaǵy deńgeıindegi ortanjilikten bólinýi.
Ortan jiliktiń ushynyń epıfızıolızi eki jaqty bolýy múmkin.
Epıfız – tútikti súıektiń negizgi bóliginen ósý aımaǵymen bólingen ushy. Bul aýrý kezinde súıektegi másele onyń ósetin joǵarǵy bóliginde paıda bolady.
Ortan jiliktiń ushynyń epıfızıolızi, shamamen, 100 myń balanyń 2-de kezdesedi. Ol jıi kezdesedi:
- 11-15 jastaǵy ósý ústindegi balalarda, ásirese, uldar arasynda
- Semizdikke shaldyqqan balalarda
- Tez ósý ústindegi balalarda.
Basqa aýrýlardan týyndaǵan gormondyq buzylystary bar balalar ortan jiliktiń ushynyń epıfızıolıziniń paıda bolýynyń erekshe qaýpine ushyraıdy.
- Júrýdegi máseleler, aqsaý
- Tizedegi aýyrsyný
- Jambastaǵy/sandaǵy aýyrsyný
- Jambastaǵy/sandaǵy shıryǵý
- Aıaqtyń syrtqy jaqqa burylýy
- Jambastyń qozǵalýynyń shektelýi
Dáriger nemese medbıke tekserýdi ótkizedi. Dıagnozdy naqtylaý úshin jambastyń/sannyń rentgeni taǵaıyndalady.
Súıekti shybyqtyń nemese vınttiń kómegimen turaqtandyrý boıynsha operatsııa býyn qýysynan ushynyń jyljyp, shyǵyp ketpeýine kómektesedi. Keıbir hırýrgter ekinshi jambasty da turaqty etýdi usynady, sebebi, kóptegen balalarda keıinnen onda másele paıda bolady.
Durys jáne ýaqytyly emdeýde boljamy ádette oń bolady. Degenmen, sırek jaǵdaıda aýrýdyń erte anyqtalýy jáne emdeýge qaramastan, urshyqbýyn qajalýy múmkin.
Ortan jiliktiń ushynyń epıfızıolızi bolashaqta osteoartrıttiń paıda bolý qaýpimen qosarlanady. Basqa áleýetti, biraq, sırek asqynýlary – urshyqbýyn mańyndaǵy aýmaqta qan aǵymynyń buzylýy jáne býyn tinderiniń tez tozýy.
Qashan dárigerge kóriný qajet
Eger balada udaıy aýyrsyný jáne osy aýrýdyń sımptomdary kezdesetin bolsa, balany jatqan kúıde dereý dárigerge jetkizý qajet.
Semizdikke shaldyqqan balalarda salmaqty baqylaý paıdaly bolady. Kópshilik jaǵdaılarda aýrýdyń aldyn alýǵa kelmeıdi.
Jambastyń/sannyń epıfızıolızi.