Qýyq asty beziniń adenomasy nemese qýyq asty beziniń qatersiz gıperplazııasy- qatersiz isik, qýyq asty beziniń bezdi epıtelııinen nemese stromalyq qurambóliginen damıdy.
Paıda bolý sebebi
Qýyq asty beziniń adenomasynyń naqty sebebi belgisiz. Paıda bolýynyń asa yqtımal sebebi – qartaıý. Sondaı-aq, bezdi epıtelııiniń ósýine atalyq bezdiń gıperbelsendiligi yqpal etedi. Jas kezinde atalyq bez alynyp tastalǵan (mysaly, qaterli isikten) erler qýyq asty beziniń adenomasyna shaldyqpaıtyndyǵy belgili. Sonymen qatar, qýyq asty beziniń adenomasyna shaldyqqannan keıin atalyq bez alynyp tastalsa, qýyq asty beziniń ólshemi azaıa bastaıdy.
Qýyq asty beziniń gıperplazııasy týraly jaıttar:
Aýrýǵa shaldyǵý múmkindigi jasqa saı artady.
Qýyq asty beziniń adenomasy – keń taralǵan aýrý, uzaq ómir súrgen kez kelgen er adam erteli-kesh bul aýrýǵa shaldyǵady degen pikir bar.
40 jastan asqan er adamdardyń kópshiliginde jáne 80 jastan asqan er adamdardyń 90 paıyzynan astamynda qýyq asty beziniń azdaǵan ulǵaıýy baıqalady.
Aýrýdyń paıda bolýynyń qaýip faktorlary anyqtalmaǵan, atalyq bezdiń qalypty qyzmetinen basqa.
Sımptomdary
qýyq asty beziniń adenomasyna shaldyqqan erlerdiń jartysyna jýyǵy aýrýdyń sımptomdaryn sezinedi, oǵan kiretinder:
· Nesep shyǵarý sońyndaǵy neseptiń tamshylap bólinýi
· Nesep shyǵara almaý
· Nesep shyǵarý kezinde qýyqtyń tolyq bosamaýy
· Nesep ustamaý
· Tún ishinde birneshe ret dárethanaǵa barý qajettigi
· Nesep shyǵarýdaǵy aýyrsyný, qanmen nesep (ınfektsııany kórsetýi múmkin)
· Nesep shyǵarý aǵynynyń baıaý bastalýy nemese kidirýi
· Nesep shyǵarýdyń qıyndaýy
· Kenetten jáne kúshti nesep shyǵarǵysy kelý sezimi
· Neseptiń álsiz aǵyny.
Dıagnostıka
Aýrýdyń syrqatnamasyn muqııat zerttegennen keıin dáriger tik ishek arqyly saýsaqpen zertteýdi júrgizedi, qýyq asty beziniń jaǵdaıyn, ólshemin baǵalaý úshin. Sondaı-aq, kelesi testiler júrgizilýi múmkin:
· Nesep aǵynynyń jyldamdyǵyn ólsheý
· Nesep shyǵarýdan keıin neseptiń qaldyq mólsherine test
· Qýyqtaǵy qysymdy ólsheý
· Múmkin juqpalarǵa nesepti taldaý
· qýyq asty beziniń spetsıfıkalyq antıgenine (PSA) taldaý, qýyq asty beziniń qaterli isigin anyqtaý úshin
· Tsıstoskopııa
Sondaı-aq, dáriger naýqasqa anketa toltyrýdy ótinedi, anketada sımptomdardyń aýyrlyǵyn jáne ómirge áserin baǵlaý qajet bolady. mundaı testide alynǵan upaılar sany aldyńǵy nátıjelemen salystyrylady, naýqastyń jaǵdaıy ýshyǵýyn anyqtaý úshin.
Emdeý
Emdeý tásili sımptomdardyń aýyrlyǵyna jáne olardyń adam ómirine áserine, qandaı da bir basqa aýrýdyń bolýyna baılanysty. Emdeý nusqalaryna «kútý taktıkasy», ómir saltyn ózgertý, medıtsınalyq preparattardy taǵaıyndaý nemese hırýrgııalyq aralasý kiredi.
Eger er adam 60 jastan asqan bolsa, sımptomdardyń bolýynyń yqtımaldyǵy joǵary. Biraq, qýyq asty bezi ulǵaıǵan kóptegen erlerde azdaǵan sımptomdar ǵana baıqalady, kóbinese, ózdiginshe kútim jasaýmen shekteledi.
Biraq, eger naýqasta qýyq asty beziniń adenomasy bolsa, oǵan jyl saıyn dıagnostıkadan ótip, sımptomdardyń ári qaraı ýshyǵýyn baqylaý jáne qajet bolsa, emdeýge qajetti ózgerister engizý qajet.
Ózdiginshe kútim jasaý
Jeńil sımptomdar kezinde:
· Alǵashqy sezimmen qýyqty bosatý qajet. Dárethanaǵa jıi barý qajet, kúshti sezim bolmasa da.
· Alkogol nemese kofeındi tutynýdan alshaq bolý (ásirese, keshki astan keıin).
· Bir ishkende suıyqtyqty kóp ishpeý. Suıyqtyq qabyldaýdy kún barysynda bólip ishý. Uıqyǵa deıin 2 saǵat buryn suıyqtyq ishýdi toqtatý.
· sýyq tııý jáne sınýsıt kezinde isinýge qarsy quraldardy nemese antıgıstamındik preparattardy qabyldamaýǵa tyrysý. Mundaı dáriler qýyq asty beziniń adenomasynyń sımptomdaryn kúsheıtýi múmkin.
· Jyly jerde bolýǵa, belsendi ómir saltyn ustanýǵa tyrysý qajet. Sýyq aýa raıy men dene júktemeleriniń bolmaýy sımptomdardy ýshyqtyrýy múmkin.
· Kegel jattyǵýlaryn oryndaý (jambas bulshyq etterin nyǵaıtý úshin jattyǵýlar).
· Kúızelisti azaıtý, sebebi, kúıgelektik pen shıryǵý nesep shyǵarýdyń jıi qajettiligine aparýy múmkin.
Source: https://www.nlm.nih.gov/medlineplus/ency/article/000381.htm