Konıýnktıva jáne konıýnktıvıt degenimiz ne? Konıýnktıva – kózdiń silemeı qabatyn, qabaqtyń ishki betin jáne kóz uıasynyń aldyńǵy bóligin jaýyp turady. Ol kózdi bakterııalar men túrli hımııalyq titirkendirgishterden qorǵaıdy. bakterııalar men hımııalyq zattekter túskende kóz jasynyń bezderi suıyqtyqty – kóz jasyn bóledi, olar bakterııalar men hımııalyq zattekterdi eritip, shaıady. Sonymen qatar, kóz jasynda bakterııalardy joıýǵa qabiletti fermentter men antıdeneler bolady.
Konıýnktıvıt – konıýnktıvanyń ınfektsııasy jáne titirkenýi. Konıýnktıvıt kózdiń qyzarýyn týyndatýy múmkin, jáne ádette, kózden sary nemese jasyl tústi bólindi shyǵýymen sıpattalady. Konıýnktıvıttiń kóptegen sebebi bolady. Kóbinese, konıýnktıvıt vırýstardan týyndaıdy. Sonymen qatar, sebebi túrli bakterııalar, zeńder, sırek - parazıtter bolýy yqtımal. Kontaktilik lınzalardy durys qoldanbaý da konıýnktıvıttiń sebebi bolýy yqtımal. Jańa týǵan sábılerdiń konıýnktıvıti atty túsinik bar, sebebi - uryqtyń bosaný joldary arqyly ótýinde juqpalanýy. Sonymen qatar, konıýnktıvıt allergııalyq serpindi bolýy múmkin, nemese hımııalyq titirkendirgishterden týyndaýy múmkin.
Konıýnktıvıttiń sımptomdary - kózdiń qyzarýy, kóz jasynyń kóp aǵýy, kózdiń aýyrsynýy men titirkenýi, jaryqqa asqan sezimtaldyq, sary tústi bólindi jáne tańerteń qabyqsha túzilýi.
Dıagnostıka úshin ádette, kózden juǵyndy alyp, zerthanaǵa taldaýǵa jiberedi.
Emdeý konıýnktıvıttiń sebebine baılanysty. Vırýstyq konıýnktıvıt ádette, ózdiginshe ótedi. Eger ol 3-4 kún ishinde ótpese – dárigerge kóriný qajet, ol konıýnktıvıttiń bakterıaldyq sebebin anyqtap, antıbıotıkti tamshylar taǵaıyndaıdy. Jaǵymsyz sezinýdi azaıtý úshin kózge jyly kompress (taza matany jyly sýǵa malyp) qoıýǵa bolady. Allergııalyq konıýnktıvıt allergııany emdeýdi talap etedi. Allergııalyq konıýnktıvıttiń sımptomdary kózge salqyn kompress qoıǵanda basylýy múmkin.
Aldyn alý. Vırýstyq konıýnktıvıt – juqpaly jáne ásirese, mektepke deıingi balalar mekemelerinde jeńil taralady. Juqpalanbaý úshin qoldy muqııat jýý qajet.
Bakterıaldyq asqynýdyń aldyn alý úshin dárigerler keıde kózge antıbıotıkti tamshylar taǵaıyndaıdy.
Konıýnktıvıttiń aldyn alý úshin tazalyq erejelerin qadaǵalaý qajet: qoldy jıi jýý, jastyqqapty udaıy almastyrý, kosmetıkalyq quraldardy udaıy almastyrý, olardy basqa adamdarǵa bermeý, kontaktilik lınzalardy durys qoldaný.