Mazmuny
Jattyqtyratyn bulshyq etti taýyp alý
Kegel jattyǵýlaryn qalaı oryndaýǵa bolady
Kegel jattyǵýlary – nesepqaptyń, jatyr men toq ishektiń astyndaǵy bulshyq etterin nyǵaıtýǵa arnalǵan jattyǵýlar kesheni. Olar erlerge de, áıelderge de nesep shyǵýy jáne ishekti bosatý máselelerinde kómektese alady.
Mundaı máseleler qartaıǵanda, salmaq artqanda, júktilik pen bosanýdan keıin, qýyq asty bezine operatsııadan keıin (erlerde) nemese gınekologııalyq hırýrgııadan keıin (áıelderde) paıda bolýy múmkin. Nesep shyǵarý jáne ishekti bosatý máseleleri mıdyń aýrýlary nemese júıkelik buzylystary bar adamdarda da paıda bolýy múmkin.
Kegel jattyǵýlaryn kez kelgen ýaqytta, otyrǵanda nemese jatqanda jasaı alasyz. Tamaq iship otyrǵanda, ústel basynda otyrǵanda, kólik júrgizýde, teledıdar aldynda demalyp otyrǵanda jasaı alasyz.
Jattyqtyratyn bulshyq etti taýyp alý
Kegel jattyǵýlaryn oryndaý úshin nesep shyǵarýǵa yńǵaılanyp, ony ustaı turý qajet. Nesep shyǵarýǵa qatysatyn bulshyq etterdi bosańsytyp, odan keıin shıyryqtyrý qajet. Shıryqtyrý qajet bolatyn bulshyq etterin durys tabý mańyzdy.
Kelesi joly nesep shyǵarý kezinde bul úrdisti tejep kórińiz. Áıelderde – inshektiń (qynaptyń), nesepqap pen aınalshyqtyń bulshyq etteriniń shıryǵyp, jıyrylǵandyǵyn seziný qajet. Bul - jambas qýysy túbiniń bulshyq etteri. Eger olardyń shıryǵýyn sezinseńiz, jattyǵýdy durys oryndaǵansyz.
Eger qajetti bulshyq etterdi shıryqtyratyndyǵyńyzǵa senimdi bolmasańyz:
· áıelder: saýsaqty inshekke (qynapqa) engizý qajet. Nesep shyǵarýdy toqtatqyńyz kelgendeı bulshyq etterdi shıryqtyryńyz, odan keıin bosańsytyńyz. Bulshyq etterdiń shıryǵyp, joǵary jıyrylýyn, odan keıin tómen túsýin sezinýińiz kerek.
· erler: saýsaqty tik ishekke engizý qajet. Nesep shyǵarýdy toqtatqyńyz kelgendeı bulshyq etterdi shıryqtyryńyz, odan keıin bosańsytyńyz. Bulshyq etterdiń shıryǵyp, joǵary jıyrylýyn, odan keıin tómen túsýin sezinýińiz kerek.
Kegel jattyǵýlaryn qalaı oryndaýǵa bolady
Durys tehnıkasyn úırenip alǵannan keıin Kegel jattyǵýlaryn kúnine úsh ret oryndańyz:
· nesepqaptyń bos ekendigine kóz jetkizý qajet, odan keıin otyryńyz nemese jatyńyz.
· Jambas qýysy túbiniń bulshyq etterin shıryqtyryńyz. 6 nemese 8-ge deıin sanańyz.
· Bulshyq etterdi bosańsytyp, 10-ǵa deıin sanańyz.
· 10 retten, kúnine 3 ret qaıtalańyz (tańerteń, kúndiz jáne túnde).
Jattyǵýlardy oryndaý kezinde tereń tynys alyp, jaıbaraqttanyńyz. Ishtiń, bókseniń nemese keýdeniń bulshyq etteriniń shıryqpaýyna kóz jetkizińiz.
4-6 aptadan keıin ózińizdi jaqsy sezinesiz, al sımptomdar azaıady. Jattyǵýlardy oryndaýdy jalǵastyryńyz, biraq, júktemeni arttyrmańyz. Tym kóp kúsh túsirmeńiz, sebebi, onda nesep shyǵarýda tym shıryǵýǵa nemese ishektiń oramdarynyń jyljyp ketýine aparýy múmkin.
Birneshe eskertý:
· Kegel jattyǵýlaryn nesep shyǵarý kezinde aıyna eki ret qana oryndaýǵa bolady. Sebebi, jattyǵýlardy nesep shyǵarýmen qatar oryndaý uzaq ýaqytqa jambas túbi bulshyq etterin bosańsytýy múmkin.
· Kegel jattyǵýlaryn áıelderdiń durys oryndamaýy nemese tym kúshpen oryndaýy inshektik (qynaptyq) bulshyq etterdiń kúshti shıryǵýyna aparýy múmkin. Bul jynystyq qatynas kezinde aýyrsyný ákelýi múmkin.
· Jattyǵýlardy oryndaýdy toqtatqanda qaıtadan nesep ustamaýy bolýy múmkin. Sondyqtan, bastaǵannan keıin bul jattyǵýlardy ómir boıy udaıy oryndaý qajet.
· Jattyǵýlardy oryndaı bastaǵannan nesep ustamaý sımptomdarynyń azaıýyna deıin birneshe aı ótýi múmkin.
Kegel jattyǵýlaryn durys oryndaýyńyzǵa senimsiz bolsańyz, dárigerdiń kómegine júginińiz. Dáriger olardyń durys oryndalýyn teksere alady.
Sınonımdary
Jambas qýysy bulshyq etterin nyǵaıtýǵa arnalǵan jattyǵýlar; Jambas qýysy bulshyq etterine jattyǵýlar.