Mazmuny
Glossıt – tildi isindirip jáne túsin ózgertetin, kóbinese, tildiń betin tym tegis etetin qabyný.
Til dámdi sezýge, asty jutýǵa jáne shaınaýǵa kómektesedi. Sóıleý kezinde qoldanamyz. Til kóptegen bulshyq etterden turady. Tildiń joǵarǵy betinde dámdik retseptorlar bar.
Glossıt kelesi sebepterden paıda bolady:
- Tis pastasyna, aýyzdy shaıatyn suıyqtyqqa, tynys alýdy sergitkishke, kámpıttiń boıaǵyshyna, tis proteziniń plastıgine nemese arterıaldyq qysymnan qabyldaıtyn keıbir dárilerge allergııalyq serpin
- Silemeı bólinýiniń buzylysynda aýyzdaǵy qurǵaqtyq
- Bakterııalardan nemese vırýstardan týyndaıtyn ınfektsııalar
- Kúıikten, tistiń kedir-budyrlyǵynan, stomatologııalyq sharalardan keıingi zaqymdaný nemese basqa jaraqattardan keıin
- Qandaǵy temirdiń (temir tapshylyǵy) nemese keıbir V toby dárýmenderiniń (mysaly, V12) tómen deńgeıi
- Temekiden, alkogolden, tatymdyqtan titirkenis
- Aýyz qýysynyń zeńdik ınfektsııasy.
Glossıt kelesi teri aýrýlarynda paıda bolady, mysaly:
- Qyzyl tegis temiretki (bóritkenmen sıpattalatyn sozylmaly qyshıtyn teri aýrýy)
- Kóp túrli erıtema (ınfektsııalyq-allergııalyq sıpattaǵy aýrý, temperatýranyń kóterilýimen, dimkástanýmen bastalady, jáne biraz ýaqyt ótkennen keıin ǵana bóritken paıda bolady)
- Aftozdyq oıyqjaralar (shaǵyn tereń emes oıyq jaralar, aýyzda paıda bolady jáne tamaq ishýdi, sóıleýdi qıyndatady)
- Qarapaıym kúldireýik (teride jáne silemeı qabatta kúldireýdiń paıda bolýymen kórinetin aýrý, kúldireý taralyp, qosylýy múmkin)
- Merez, t.b.
Glossıt tuqym qýalaýy múmkin.
Glossıtte sımptomdar alýan túrli, kóbinese, aýrýdyń sebebine jáne damý satysyna baılanysty bolady. Biraq, árdaıym kelesi belgileri bolady:
- Tildegi birkelki emes, daqty óńez
- Aýyz qýysyndaǵy túrli tereńdikti jáne aýmaqty alatyn oıyqjaralar
- Túsiniń ózgerýi (jalpy nemese jergilikti daqtar túrinde)
- Tildiń isinýi, onyń búıir betinde tisterdiń «iziniń» qalýy
- Tildiń qozǵalǵyshtyǵynyń shektelýi
- Aýyzdan ıis shyǵýy
- Silemeı bólinýiniń buzylýy
Qaraý nátıjesinde dáriger (jalpy tájirıbe dárigeri, stomatolog, terapevt) tildiń nemese onyń bóliginiń isinýin anyqtaıdy, onyń betinde tildiń búrtikteriniń bolmaýy múmkin, naýqasty basqa aýrýlary jáne ómir salty týraly suraıdy, dıagnozdy anyqtaý úshin qan taldaýyn taǵaıyndaıdy.
Syrqattyń alǵashqy belgilerinde dárigerge kóriný qajet. Ol aýrýdyń sebebin anyqtap, sáıkes emdeýdi taǵaıyndaıdy. Emdeýdiń maqsaty – qabynýdy azaıtý.
Mehanıkalyq jaraqat kezinde stomatologta emdelý qajet, synǵan tistiń ótkir ushy egeledi nemese protez durystalady. Aýyz qýysynyń jaqsy gıgıenasynyń mańyzy zor. Tisti muqııat tazalaý qajet, kúnine, keminde eki ret, kúnine, keminde, bir ret stomatologııalyq jipti qoldanýmen. Aýyz qýysyn antıseptıkalyq eritindilermen shaıý usynylady. Eger glossıt ınfektsııalyq sıpatta bolsa, antıbıotıkter jáne zeńge qarsy preparattar taǵaıyndalady. Emdámdi ózgertý anemııany jáne qorektik zattekterdiń tapshylyǵyn emdeý úshin qoldanylady. Tildiń titirkenisin azaıtý úshin titirkendirgishterden alshaq bolý qajet (mysaly, ystyq nemese ashy taǵamdy, alkogol men temekini).
Glossıt ádette, emdeýge jaqsy kónedi, eger qabyný sebebi anyqtalyp, ýaqytyly emdeý bastalsa. Keıbir jaǵdaıda glossıt kúrdeli isinýge aparyp, tynys alý joldaryn tejeýi múmkin.
- tynys alý joldarynyń tejelýi
- sóıleý, shaınaý nemese jutý kezindegi qıyndyqtar
- jaısyzdyq
Dárigerge habarlasyńyz, eger:
- glossıttiń sımptomdary 10 kúnnen artyq sozylady
- tildiń kúshti isinýi
- tynys alý jáne sóıleý asa qıyndaıdy.
- Tynys alý joldarynyń bitelýi – tótenshe jaǵdaı, shuǵyl medıtsınalyq járdemdi qajet etedi.
Aýyz qýysynyń jaqsy gıgıenasy (Tisti muqııat tazalaý, stomatologııalyq jipti qoldanýmen, udaıy stomatologta kásiptik tazalaý) glossıttiń aldyn alýǵa kómektesedi. glossıt.